Luka 10:31 - BAIBLO ALOO NGMAMI KLƆUKLƆU Ɔ

³¹ Tlukaa a, osɔfo ko hu ya gu jamɛ a blɔ ɔ nɔ kɛ yaa; se benɛ e na nyumu ɔ, e tsɔ e he kɛ be.

Somi He Ɔ

³¹ E ba mi kaa osɔfo ko ba gu lɛ blɔ ɔ nɔ; nɛ benɛ e na lɛ ɔ, e tsɔ e he kɛ be.

Luka 10:31 ပူးပေါင်းရင်းမြစ်များ

Samuel II, 1:6

Niheyo ɔ he nɔ ke, “I ya je Gilboa yo ɔ nɔ tlukaa, nɛ i na Saul nɛ e buu si ngɛ e we akplɔ ɔ nɔ. E he nyɛli ɔmɛ a ta zugba lɛ ɔmɛ, kɛ a we okpɔngɔ nɔ hili ɔmɛ su e he haa.

La 142:4

Ke i hyɛ ye hiɔ nɔ ɔ, nɔ ko nɔ ko be nɛ maa je ngmlaa ha mi; wesa he ko kulaa be ha mi, nɔ ko nɔ ko bui ye he akɔtaa.

La 69:20

Ahlua nɛ a bɔ mi ɔ ha i ye ye tsui kɛ be nɔ, nɛ ye kɔni mi jɔ. I nɛ́ nɔ ko nɔ ko nɛ maa na mi mɔbɔ, loo nɛ e maa jɔɔ ye bua; i hyɛ blɔ yaka gu.

Abɛ Womi 21:13

Nɔ nɛ tsiɔ e tue, konɛ e ko nu ohiatsɛ ngmlaa a, lɛ hu ke e kpa ngmlaa a, a be lɛ tue bue.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Hosea 5:1

“Nyɛ osɔfohi, nyɛɛ bu tue! Israel ma nyɛ tã tue! Matsɛ we mi bimɛ, nyɛɛ bu tue! Nyɛ sa tue gblami! Ejakaa nyɛ pee kaa klama nɛ a tsɔ ngɛ Mizpa, kɛ yá nɛ a wo ngɛ Tabor yo ɔ nɔ,

Hosea 6:9

Osɔfo ɔmɛ buaa a he nya kaa bɔ nɛ ojo fiali woɔ ka haa nihi ɔ. Shekem blɔ nɔ po, a poo nɔ nɛ a gbeɔ nɔ basabasa. A peeɔ yiku níhi babauu.

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Luka 10:30

Yesu he nɔ ke, “Nyumu ko je Yerusalem kɛ yaa Yeriko, nɛ ojo fiali ya tua lɛ ngɛ blɔ ɔ nɔ. A je e he níhi tsuo, nɛ a kongo lɛ, nɛ a si lɛ nɛ e gbo fa kɛ fa.

Luka 10:32

Kikɛ nɛ ɔ nɔuu Levi no ko hu pee; lɛ hu benɛ e su lejɛ ɔ, nɛ e na nyumu ɔ, e tsɔ e he kɛ be.

Rut Womi 2:3

Kɛkɛ nɛ Rut ho ngma ngmɔ ɔmɛ a mi ya nɛ e ya nyɛɛ ní kpali ɔmɛ a se kɛ kukuɔ bibliwi ɔmɛ. He ní a nya a, e ya je Boaz, nɛ je Elimelek weku ɔ mi ɔ e ngmɔ mi.