Luka 10:29 - BAIBLO ALOO NGMAMI KLƆUKLƆU Ɔ

²⁹ Se mlaa tsɔɔlɔ ɔ hla kaa e maa bu e he bemi, lɔ ɔ he ɔ, e bi Yesu ke, “Mɛnɔ ji ye nyɛmi?”

Somi He Ɔ

²⁹ Se mlaatsɔɔlɔ ɔ, akɛnɛ e ngɛ hlae nɛ e bu e he bemi he je ɔ, e bi Yesu ke: Mɛnɔ ji mami?”

Luka 10:29 ပူးပေါင်းရင်းမြစ်များ

Hiob 32:2

Kɛkɛ nɛ Elihu mi mi fu Hiob wawɛɛ nitsɛ kaa e pia Mawu, nɛ e wo lɛ nitsɛ e he nguɔ. (Elihu nɛ ɔ, Buz no ɔ nɛ a tsɛɛ lɛ Barakel ɔ binyumu ji lɛ. E je Ram weku ɔ mi, nɛ lɛɛ e bee ngɛ lejɛ ɔ kɛkɛ.)

Mose III, 19:34

Ke nɔ ko ba to nyɛ nubwɔ ɔ, nyɛɛ bu lɛ kaa ma a mi no nɔuu. Moo suɔ lɛ kaa bɔ nɛ o suɔ mo nitsɛ o he ɔ; ejakaa nyɛ hu nyɛ ya to nubwɔ hyɛ ngɛ Egipt zugba a nɔ. Imi ji Yawɛ, nyɛ Mawu ɔ nɛ.

Marko 8:34

Jehanɛ Yesu tsɛ ni kpekpemi ɔ, kɛ e kaseli ɔmɛ hu kɛ ba e ngɔ, nɛ e de mɛ ke, “Ke nɔ ko suɔ kaa e nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Luka 10:36

Nyagbe ɔ, Yesu bi mlaa tsɔɔlɔ ɔ ke, “Kɛ o susuɔ kɛɛ? Ni etɛ nɛ ɔmɛ a kpɛti ɔ, mɛnɔ ji nɔmlɔ nɛ ojo fiali ɔmɛ ya tua lɛ ɔ e nyɛmi?”

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Romabi 4:2

Ke ní nɛ e tsu nɔ a da kɛ wo lɛ nguɔ ɔ, lɛɛ jinɛ e ngɛ nɔ́ ko nɛ e maa fĩa ngɔ fɔ nɔ. Se ngɛ Mawu blɔ fa mi ɔ, Abraham be nɔ́ ko kulaa nɛ e ma nyɛ maa fĩa ngɔ fɔ nɔ.

Galatabi 3:11

Jehanɛ ɔ, e fɔɔ si paa kaa pi mlaa a nɔ nɛ nɔ ko yeɔ ɔ nɛ ma ha a ma dla e kɛ Mawu a kpɛti. Ejakaa ngmami ɔ deɔ ke, “Nɔ nɛ heɔ Mawu yeɔ, nɛ lɔ ɔ he ɔ, a dla e kɛ Mawu a kpɛti ɔ, lɛ pɛ e yi wami a ma he.”

Yakobo 2:24

Lɛɛ tse nyɛ na kaa ní tsumi nɔ Mawu guu kɛ buɔ nɔ dalɔ, se pi hemi kɛ yemi pɛ nɔ.