Luka 10:28 - BAIBLO ALOO NGMAMI KLƆUKLƆU Ɔ

²⁸ Yesu de lɛ ke, “Bɔ nɛ o ha heto ɔ da; ke o pee ja a, o yi ma na wami.”

Somi He Ɔ

²⁸ Yesu de lɛ ke: “Bɔ nɛ o ha heto ɔ da, pee ja nɛ o yi ma na wami.”

Luka 10:28 ပူးပေါင်းရင်းမြစ်များ

Nehemia 9:29

O wo mɛ ga ke a ye o mlaa amɛ a nɔ, se a ya wo a he nɔ mohu, nɛ a yi mlaa amɛ a nɔ. A ye o mlaa amɛ a nɔ jinɛ a yi ko na wami. Se akɛnɛ a kuɛ wa, nɛ a bui nɔ́ ko nɔ́ ko he je ɔ, a kua mlaa amɛ a nɔ yemi.

Abɛ Womi 19:16

Nɔ nɛ yeɔ Mawu mlaa a nɔ ɔ, e se kɛɔ ngɛ je mi; se nɔ nɛ bui mlaa a, e ma gbo.

Ezekiel 20:11

I wo mɛ mlaahi, nɛ i tsɔɔ mɛ blɔ nya tomihi nɛ ke a ye nɔ ɔ, a yi ma na wami.

Ezekiel 20:13

Se Israel ma a tsɔ ye hɛ mi atuã ngɛ nga a nɔ. A yi ye mlaa amɛ, kɛ blɔ nya tomi ɔmɛ a nɔ; a bui mɛ kaa níhi nɛ ke nɔmlɔ ye a nɔ ɔ, e yi ma na wami. A ble ye Hejɔɔmi ligbi ɔmɛ hu kpɔtɔɔ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ, nɛ ma kpata a hɛ mi pɛsɛpɛsɛ.

Ezekiel 20:21

“Se jamɛ a yi nɔ bi ɔmɛ hu tsɔ ye hɛ mi atuã; a nyɛɛ we ye blɔ nya tomi ɔmɛ a nɔ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hulɔ. Níhi nɛ ke nɔmlɔ pee nɛ e yi ma na wami ɔ, a pee we. Lɔ ɔ he ɔ, i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ.

Mose III, 18:5

Mlaahi nɛ i wo nyɛ, kɛ blɔ nyahi nɛ i to ha nyɛ ɔ, nyɛɛ ye a nɔ pɛpɛɛpɛ. Ke nyɛ pee ja a, nyɛ yi ma na wami. Imi ji Yawɛ.”

Mateo 19:17

Yesu hu bi lɛ ke, “Mɛni he je o ngɛ mi nɔ́ kpakpa he sane bie? Nɔ kake pɛ ji nɔ kpakpa. Ke o ngɛ hlae nɛ o sɛ wami mi ɔ, ye mlaa amɛ a nɔ.”

Marko 12:34

Benɛ Yesu na kaa e ha lɛ heto ngɛ ní lemi nya a, e de lɛ ke, “O kɛ Mawu matsɛ yemi ɔ kpɛti kɛ we kulaa.” Enɛ ɔ se ɔ, nɔ ko nɔ ko kɛ́ kaa e ma bi Yesu munyu ko hu.

Luka 7:43

Simon he nɔ ke, “E peeɔ mi kaa nɔ nɛ e ngɔ fuu ngɔ ke lɛ ɔ.” Yesu de lɛ ke, “Nɔ́ nɛ o de ɔ da.”

Romabi 10:4

Ejakaa Kristo po mlaa a mi, nɛ nɔ tsuaa nɔ nɛ heɔ yeɔ ɔ, Mawu wo lɛ nguɔ.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Romabi 7:10

Mlaa a nɛ jinɛ e sa kaa e ko ngɔ wami kɛ ba a, e ba pee gbenɔ mohu ha mi.

Galatabi 3:12

Se mlaa a kɔ we hemi kɛ yemi he; ejakaa a ngma ke, “Nɔ tsuaa nɔ nɛ yeɔ mlaa a nɔ sisiisi ɔ yi ma na wami ngɛ mlaa a nya.”

Mose V, 6:24

Lɔ ɔ he ɔ, Yawɛ fa wɔ ke waa ye mlaa nɛ ɔmɛ tsuo a nɔ, nɛ waa ye lɛ gbeye, konɛ e hi ha wɔ nitsɛmɛ, nɛ wa yi nɛ na wami daa kaa bɔ nɛ e ngɛ mwɔnɛ ɔ.