Luka 10:25 - BAIBLO ALOO NGMAMI KLƆUKLƆU Ɔ

²⁵ Kɛkɛ nɛ mlaa tsɔɔlɔ ko te da si, nɛ e ka Yesu. E bi lɛ ke, “Tsɔɔlɔ, kɛ ma pee kɛɛ nɛ ma na neneene wami?”

Somi He Ɔ

²⁵ Kɛkɛ nɛ mlaatsɔɔlɔ ko te si da si nɛ e tsɔ e nya kɛ bi lɛ ke: “Tsɔɔlɔ, mɛni ma pee nɛ ma na neneene wami?”

Luka 10:25 ပူးပေါင်းရင်းမြစ်များ

Marko 10:17

Benɛ Yesu je kpo kɛ ma blɔ ɔ nɔ ekohu ɔ, nyumu ko sa fo kɛ ba na lɛ. E ba kpla si ngɛ e hɛ mi, nɛ e bi lɛ ke, “Tsɔɔlɔ kpakpa, mɛni ma pee nɛ ma ná neneene wami?”

Marko 10:3

Yesu he nɔ nɛ e bi mɛ ke, “Mɛni mlaa Mose wo nyɛ ɔ?”

Marko 12:28

Benɛ Yesu kɛ Saduki bi ɔmɛ ngɛ ni ɔmɛ a mi hlae ɔ, mlaa tsɔɔli ɔmɛ a ti nɔ kake ngɛ lejɛ ɔ. E na kaa Yesu ha mɛ sane ɔ nɛ a bi lɛ ɔ heto saminya. Lɔ ɔ he ɔ, e ba Yesu ngɔ ba bi lɛ ke, “Mlaa amɛ ɔ, te nɔ́ nɛ he hia pe kulaa nɛɛ?”

Luka 10:24

I ngɛ nyɛ dee ke, gbali, kɛ matsɛmɛ fuu hla kaa a ko na níhi nɛ nyɛ ngɛ hyɛe nɛ ɔ, se a nɛ; a hla kaa a ko nu níhi nɛ nyɛ ngɛ nue nɛ ɔ, se a nui.”

Luka 10:26

Yesu bi lɛ ke, “Mɛni a ngma ngɛ mlaa womi ɔmɛ a mi? Kɛ o nuɔ sisi kɛɛ?”

Luka 18:18

Yuda ma hɛ mi nyɛɛlɔ ko ba bi Yesu ke, “Tsɔɔlɔ kpakpa, kɛ ma pee kɛɛ nɛ ma na neneene wami?”

Luka 7:30

Se Farisi bi ɔmɛ, kɛ mlaa tsɔɔli ɔmɛ lɛɛ a kua Mawu blɔ nya tomi kɛ ha mɛ ɔ nɛ a kplɛɛ we nɛ e sɔle mɛ.

Yohane 8:6

Enɛ ɔ, a de kɛ da lɛ, konɛ a na nɔ́ ko nɛ a kɛ ya po e nya. Se Yesu sɔ̃ si, nɛ e kɛ e nine nguɛ ngma ní ngɛ zugba.

Galatabi 3:18

Gbosi ni ɔ nɛ Mawu wo Abraham e he si ɔ, Mawu ngɔ kɛ ha lɛ faa; pi mlaa a nɔ nɛ Abraham ye ɔ he je nɛ e ba mi. Kaa jã ji sane ɔ, lɛɛ e pi si womi hu.