Luka 10:19 - BAIBLO ALOO NGMAMI KLƆUKLƆU Ɔ

¹⁹ Nyɛɛ bu tue! I ha nyɛ he wami nɛ nyɛɛ kɛ maa naa sinɔhi, kɛ nyingmogblakotohi a nɔ. Nyɛ maa ye he nyɛlɔ ɔ he wami ɔ tsuo nɔ, nɛ nɔ́ ko nɔ́ ko be nyɛ pee.

Somi He Ɔ

¹⁹ Oʼɛ, i ha nyɛ he blɔ nɛ nyɛɛ naa sinɔhi kɛ nyingmogblakotohi kɛ henyɛlɔ ɔ hewami ɔ kulaa nɔ, nɛ nɔ́ ko nɔ́ ko be nyɛ yayami pee.

Luka 10:19 ပူးပေါင်းရင်းမြစ်များ

Kronika II, 10:11

Tsaatsɛ ngɔ tlomi nɛ jiɔ ngɔ tloo nyɛ; imi lɛɛ i kɛ tlomi ɔ eko ma pa piɛ he ha nyɛ. Tsaatsɛ ngɔ kpa gu kɛ fia nyɛ; imi lɛɛ i kɛ okpɔngɔ kpa maa fia nyɛ!’ ”

La 91:13

O maa naa jata, kɛ sanga nɔ; o maa naa jata bi kɛ sinɔ nɔ.

Yesaya 11:8

Bimwɔyo po ma fiɛ ngɛ sinɔ muɔ nya, nɛ bi nɛ je nyɔ nya kɛ e nine maa wo sinɔ duɔtsɛ muɔ mi.

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Marko 16:18

ke a ta sinɔ he, loo a nu duɔ po, nɔ́ ko nɔ́ ko be mɛ pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.”

Luka 11:12

Aloo ke e bi lɛ hlui, nɛ e ma ha lɛ nyingmogblakoto?

Ni Tsumi 28:5

Se Paulo huanya sinɔ ɔ ngɔ wo la a mi, nɛ lohwe ɔ yi lɛ awi ko.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Kpojemi 11:5

Ke nɔ ko hla kaa e ye mɛ awi ɔ, la jeɔ a nya mi, nɛ e kpataa a he nyɛli ɔmɛ a hɛ mi; nɔ tsuaa nɔ nɛ ma hla kaa e ye mɛ awi ɔ, ja a gbe lɛ.