Luka 10:17 - BAIBLO ALOO NGMAMI KLƆUKLƆU Ɔ

¹⁷ Ni nyingmi kpaago kɛ enyɔ ɔmɛ kpale kɛ ba kɛ bua jɔmi babauu. A ba de ke, “Nyɔmtsɛ, mumi yayamihi tete bu wɔ tue benɛ waa kɛ o biɛ hia mɛ ɔ!”

Somi He Ɔ

¹⁷ Ni nyingmi kpaago kɛ enyɔ ɔ kpale a se kɛ ba kɛ buajɔmi nɛ a ba de ke: “Nyɔmtsɛ, o biɛ ɔ he ɔ mumi yayamihi tete baa a he si haa wɔ.”

Luka 10:17 ပူးပေါင်းရင်းမြစ်များ

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Marko 16:17

Ni nɛmɛ nɛ ma he ye ɔ, a ma ha mɛ he wami nɛ a kɛ maa pee nyakpɛ ní nɛ ɔmɛ: a maa hia mumi yayamihi ngɛ ye biɛ mi; a maa tu munyu ngɛ gbi kpahi a mi;

Luka 10:1

Enɛ ɔ se ɔ, Nyɔmtsɛ ɔ hla nihi nyingmi kpaago kɛ enyɔ kpa hu, nɛ e tsɔ mɛ enyɔɔnyɔ kɛ sɛ e hlami kɛ ya ma tsuaa ma mi, kɛ he tsuaa he nɛ lɛ nitsɛ e maa ya a.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Luka 10:9

Nyɛ tsa hiɔtsɛmɛ nɛ ngɛ ma a mi, nɛ nyɛ de ni ɔmɛ tsuo ke, ‘Mawu matsɛ yemi ɔ na nyɛ ta.’

Luka 9:1

Yesu tsɛ ni nyɔngma kɛ enyɔ ɔmɛ kɛ kpe, nɛ e ha mɛ he wami nɛ a kɛ hia mumi yayamihi tsuo, nɛ a kɛ tsa hiɔhi hulɔ.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Efesobi 5:24

Lɔ ɔ he ɔ, e hia kaa yigbayi nɛ a ba a he si ha a hunomɛ ngɛ nɔ́ tsuaa nɔ́ mi kaa bɔ nɛ asafo ɔ hu baa e he si ha Kristo ɔ.