Luka 10:16 - BAIBLO ALOO NGMAMI KLƆUKLƆU Ɔ

¹⁶ Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Somi He Ɔ

¹⁶ “Nɔ nɛ buɔ nyɛ tue ɔ, imi tue e buɔ ɔ nɛ; nɛ nɔ nɛ kuaa nyɛ ɔ, imi e kuaa a nɛ; nɛ nɔ nɛ kuaa mi ɔ, nɔ nɛ tsɔ mi ɔ e kuaa a nɛ.”

Luka 10:16 ပူးပေါင်းရင်းမြစ်များ

Yohane 13:20

I ngɛ nyɛ dee anɔkuale mi ke, nɔ tsuaa nɔ nɛ heɔ nɔ nɛ i tsɔ lɛ atuu ɔ, imi nɔuu e he ɔ nɛ; nɛ nɔ tsuaa nɔ nɛ heɔ mi ɔ, nɔ nɛ tsɔ mi ɔ e he ɔ nɛ.”

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Yohane 12:44

Yesu de kɛ ngmlaa ke, “Nɔ tsuaa nɔ nɛ heɔ mi yeɔ ɔ, pi imi nɛ e he ye, se mohu nɔ nɛ tsɔ mi ɔ nɛ e he ye ɔ nɛ.

Marko 9:37

“Nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ; nɛ nɔ nɛ heɔ mi ɔ, pi imi kɛkɛ nɛ e he, se mohu nɔ nɛ tsɔ mi ɔ hulɔ.”

Mateo 18:5

Nɛ nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Ni Tsumi 5:4

Benɛ zugba a ngɛ ɔ, o nɔ́; nɛ benɛ o jua a hu sika a mo nitsɛ o nɔ́. Mɛni he je o to o yi mi, nɛ o pee yayami kaa kikɛ nɛ ɔ? Nɔ́ nɛ o pee nɛ ɔ, pi adesa nɛ o ye lakpa, se Mawu!”

Luka 9:48

nɛ e de mɛ ke, “Nɔ tsuaa nɔ nɛ ma he jokuɛ nyafii nɛ ɔ atuu ngɛ ye biɛ mi ɔ, imi e he atuu ɔ nɛ; nɔ tsuaa nɔ nɛ heɔ mi atuu ɔ, nɔ nɛ tsɔ mi ɔ lɛ e he atuu ɔ nɛ. Ejakaa nɔ nyafii pe kulaa ngɛ nyɛ tsuo nyɛ kpɛti ɔ, lɛ ji nɔmlɔ nguaa pe kulaa.”

Mose IV, 16:11

Hyɛ, Yawɛ yi nɔ nɛ o kɛ o se nyɛɛli ɔmɛ tsuo ngɛ soe ɔ nɛ. Jehanɛ, Aaron ɔ lɛɛ mɛni e pee nyɛ loko nyɛ ngɛ nya si hɔɔe kɛ ngɛ lɛ woe ɔ?”

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Mose II, 16:7

Mɔtu ɔ, nyɛ maa na Yawɛ hɛ mi nyami ɔ; ejakaa e nu nyɛ munyu huitihuiti nɛ nyɛ tu kɛ si lɛ ɔ. Wɔɔ lɛɛ wa pi ni komɛ nɛ ke nyɛ hɔɔ nya si wo wa he nɛ e peeɔ nɔ́ ko.”

Mose IV, 14:2

Israel ma mluku ɔ tsuo hɔɔ nya si ngɔ wo Mose kɛ Aaron a he, nɛ a de ke, “Wa ná nɛ jinɛ wa gbo ngɛ Egipt zugba a nɔ, loo ngɛ nga nɛ ɔ nɔ po!

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Galatabi 4:14

E ngɛ mi kaa ye hiɔ ɔ ha nɛ nyɛ gbo dengme babauu ngɛ ye he, se ye he pee we nyɛ tai, nɛ nyɛ kua we mi hulɔ; mohu ɔ, nyɛ he mi atuu kaa Mawu bɔfo. Ee, nyɛ he mi kaa Kristo Yesu nitsɛ.