Luka 10:15 - BAIBLO ALOO NGMAMI KLƆUKLƆU Ɔ

¹⁵ Nɛ mo Kapernaum! Tse o hla kaa o ma wo o he nɔ kɛ ya hiɔwe lokoo! Yoo, a maa ngɔ mo ngɔ fia si, nɛ o hɛ mi ma kpata!”

Somi He Ɔ

¹⁵ Nɛ mo, Kapernaum, pi hiɔwe nɛ a wo o nɔ kɛ ho? A maa ba mo si kɛ maa ya gbeje lokoo!

Luka 10:15 ပူးပေါင်းရင်းမြစ်များ

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”

Yesaya 5:14

Hwɔ ngɛ gbeje yee, nɛ e gbɛ e nya mi hatoo nɛ e maa mii mɛ. E ngɛ Yerusalem odehe ɔmɛ, kɛ ni gu ɔmɛ nɛ a ngɛ hoo pee ɔ tsuo miie si kake too.

Yeremia 51:53

Ke Babilon kuɔ kɛ ho hiɔwe ya nɛ e ya ma mɔ nɛ he wa ngɛ lejɛ ɔ tete po, ma tsɔ nihi kɛ ya lejɛ ɔ nɛ a ya kpata e hɛ mi. Imi, Yawɛ lɛ i de.”

Ezekiel 26:20

O ma kple si kɛ ya su gbeje nitsɛ, he nɛ blematsɛmɛ ɔmɛ nɛ a be je mi hu ɔ ngɛ ɔ. Lejɛ ɔ o kɛ mɛ maa hi ngɛ blema níhi nɛ a kpata a hɛ mi ɔ a mi ngɛ je ɔ sisi tɔɔ. Kɛkɛ ɔ, o be nyɛe maa pee ma nɛ nɔmlɔ adesa maa hi mi ngɛ je nɛ ɔ mi hu!

Ezekiel 31:18

“Tso nɛ ɔ daa si ha Egipt matsɛ ɔ, kɛ e ma kpekpemi ɔ tsuo. Tsohi nɛ ngɛ Eden ngmɔ ɔ mi po ka we, nɛ a he hu pee we fɛu kaa tso nɛ ɔ. Se jehanɛ lɛɛ kaa bɔ nɛ Eden ngmɔ ɔ mi tso ɔmɛ ya su gbeje ɔ, lɛ hu e maa ya lejɛ ɔ, nɛ e ma ya piɛ nihi nɛ a pui mɛ, kɛ nihi nɛ nɔ ngɛ ta mi ɔ a he. Imi, Nyɔmtsɛ Yawɛ lɛ i de.”

Ezekiel 32:18

E ke, “Nɔmlɔ adesa, ye kɔmɔ ha Egipt ma kpekpemi ɔ tsuo. Ngɔɔ a kɛ je ma amɛ nɛ a hɛ mi ngɛ nyami ɔ kɛ ya zugba a sisi tɔɔ kɛ ya piɛ nihi nɛ ngɛ gbeje ɔ a he.

Ezekiel 32:20

“Egipt bi ɔmɛ, kɛ nihi nɛ nɔ ngɛ ta mi ɔ a nyagbe maa ba si kake. Ta ma ba kpata mɛ tsuo a hɛ mi.

Ezekiel 32:27

A pu we mɛ kaa bɔ nɛ a puɔ katsɛmɛ blema a. Blema a, a puɔ katsɛ kaa nɔ ko nɛ mia e ta hwumi ní kɛ yaa gbeje: a ngɔɔ e klaate kɛ hɔɔ e yi sisi, nɛ a kɛ e tsɛ̃i haa e nɔmlɔ tso ɔ he. Katsɛmɛ nɛ a wo a hɛ mi nyami kikɛ nɛ ɔ ji nihi nɛ a he sawale nuɔ je ɔ nɛ.

Obadia 1:4

O ya pee o hi he ngɛ hiɔwe lokoo kaa kɔle tsu, nɛ e peeɔ mo kaa dodoehi a kpɛti nɛ o ngɛ. Se kɛ ɔ, ma gbla mo kɛ ba zugba.” Yawɛ lɛ de.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Mateo 11:23

Nɛ mo, Kapernaum, tse o ngɛ blɔ hyɛe kaa a ma wo o nɔ kɛ ya hiɔwe lokoo? Siu! Dla o he! Abosiami la a mi mohu a ma sake mo kɛ fɔ! Nyakpɛ ní babauu nɛ a pee ngɛ o mi ɔ, a ya pee ngɛ Sodom jinɛ e ko hi si kɛ ba si mwɔnɛ ɔ.

Mateo 4:13

E je Nazaret kɛ ba hi Kapernaum, wo nya ma a nɛ ngɛ Zebulun kɛ Naftali kpokpa a nɔ ɔ.

Luka 13:28

Nyɛ maa wo yana, nɛ nyɛ ma kpe lungu nya, ke nyɛ na Abraham kɛ Isak, kɛ Yakob, kɛ gbali ɔmɛ tsuo ngɛ Mawu matsɛ yemi ɔ mi. Jamɛ a be ɔ, nyɛ nitsɛmɛ lɛɛ a tsi nyɛ blɔ!

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.