Luka 1:9 - BAIBLO ALOO NGMAMI KLƆUKLƆU Ɔ

⁹ Osɔfo ɔmɛ peeɔ kusumi kɛ fɔɔ sɔ, nɛ a kɛ hlaa a ti nɔ nɛ maa sã tsopa kɛ e he via ngɛ bɔ sami la tɛ ɔ nɔ. Sɔ ɔ ya nɔ Zakaria nɔ, nɛ lɔ ɔ he e ho Nyɔmtsɛ ɔ sɔlemi we ɔ ya a nɛ.

Somi He Ɔ

⁹ kaa bɔ nɛ osɔfo yemi blɔnya tomi ɔ ngɛ ɔ, e ba mi kaa a hla lɛ kaa e ya Nyɔmtsɛ ɔ sɔlemi tsu ɔ mi nɛ e ya sa tsopa kɛ e he via,

Luka 1:9 ပူးပေါင်းရင်းမြစ်များ

Kronika I, 23:13

Kohat bitɛte nɛ ji Amram ɔ lɛɛ e binyumuhi ji Aaron kɛ Mose. Aaron kɛ e nina lɛɛ a hla mɛ ngɔ to, nɛ a ngɔ Yawɛ we ɔ ní klɔuklɔu ɔmɛ ngɔ wo a dɛ. A ní tsumi ji a sã tsopa kɛ e he via kɛ ha Yawɛ, á sɔmɔ Yawɛ, nɛ á kɛ Yawɛ biɛ nɛ gbaa ma a.

Kronika I, 6:49

Aaron kɛ e nina lɛɛ a ní tsumi ji kaa a sã sami bɔ, kɛ tsopa kɛ e he via ngɛ bɔ sami la tɛ ɔ nɔ kaa bɔ nɛ a to blɔ nya kɛ ha jami ngɛ he klɔuklɔu pe kulaa a. Mɛ nɔuu ji ni nɛmɛ nɛ daa Israel ma a tsuo nane mi kɛ sãã kpatami bɔ kaa bɔ nɛ Mawu tsɔlɔ Mose fa mɛ ke a pee ɔ.

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Kronika II, 29:11

Ye bimɛ! Nyɛ ko puɛ be ko hu. Nyɛ ji nihi nɛ Yawɛ hla nɛ nyɛɛ sã tsopa kɛ e he via kɛ ha lɛ. Yawɛ hla nyɛ nɛ nyɛɛ nyɛɛ ma a hɛ mi kɛ sɔmɔ lɛ.”

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mateo 27:5

Yuda ya sake sika a ngɔ pue sɔlemi we ɔ mi, nɛ e ho ya wo e kuɛ kpa.

Hebribi 9:6

Ke a to níhi blɔ nya kikɛ nɛ ɔ, osɔfo ɔmɛ yaa kekleekle bo tsu ɔ mi daa ligbi ya tsuɔ a jami blɔ nya ní.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.