Luka 1:79 - BAIBLO ALOO NGMAMI KLƆUKLƆU Ɔ

⁷⁹ E ma kpɛ kɛ je hiɔwe ha nihi tsuo nɛ hii si ngɛ gbenɔ hɔ̃ diblii mi, nɛ e maa tsɔɔ wɔ blɔ kɛ ba he jɔmi blɔ ɔ nɔ.”

Somi He Ɔ

⁷⁹ Konɛ je mi nɛ tsɔ ha nihi Nɛ hii si ngɛ diblii gbenɔ hɔ mi ɔ, Nɛ e plɛ wa nane kɛ ya he jɔmi blɔ ɔ nɔ.”

Luka 1:79 ပူးပေါင်းရင်းမြစ်များ

Hiob 10:22

Lejɛ ɔ ngɛ gbeyegbeye, kɛ basabasa; nɛ piani po woɔ diblii kaa nyɔ mi.

Hiob 3:5

Ha nɛ e pee mɔbɔ ligbi, nɛ je ɔ mi nɛ wo diblii kpii. Ha nɛ bɔku tuu ba ha pu ɔ hɛ mi.

La 107:10

Ni komɛ hi si ngɛ diblii, kɛ mɔbɔ si himi mi; a wo mɛ tsu; a kpla mɛ kɔsɔkɔsɔ, nɛ a na nɔ́;

La 107:14

E je mɛ kɛ je diblii, kɛ mɔbɔ si himi ɔ mi, nɛ e kplɔ kɔsɔkɔsɔ ɔmɛ ngɛ a he ngɔ pue si.

La 23:4

Ke i nyɛɛ diblii kpii mi po, i yi gbeye; ejakaa mo Yawɛ, o ngɛ ye kasa nya haa. O to tsɔ̃mi tso ɔ, kɛ o dɛma tso ɔ ji níhi nɛ woɔ mi he wami.

La 25:12

Nihi tsuo nɛ yeɔ Yawɛ gbeye ɔ, Yawɛ maa tsɔɔ mɛ blɔ nɛ a nyɛɛ nɔ.

La 44:19

Se o ngmɛɛ wa he ngɔ wo lohwe dikali a dɛ mi, nɛ wa tlɔ diblii kpii mi.

Abɛ Womi 3:17

Nile haa nɔ bua jɔmi, kɛ tue mi jɔmi.

Abɛ Womi 8:20

Dami blɔ nɔ lɛ i nyɛɛɔ; dami sane lɛ i yeɔ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 48:17

Yawɛ, Israel Mawu Klɔuklɔu ɔ, nɔ nɛ heɔ e ma a yi wami ɔ ngɛ dee ke, “Imi ji Yawɛ, nyɛ Mawu ɔ nɛ. I suɔ kaa ma tsɔse nyɛ, nɛ ma tsɔɔ nyɛ bɔ nɛ nyɛɛ ba nyɛ je mi ha, konɛ e hi ha nyɛ nitsɛmɛ.

Yesaya 48:22

Yawɛ ke, “Yayami peeli be he jɔmi nae gblegbleegble.”

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 49:9

Ma de nihi nɛ a wo mɛ tsu ɔ ke, ‘Nyɛɛ je kpo!’ nɛ ma de nihi nɛ ngɛ diblii mi ɔ ke, ‘Nyɛɛ je kpo kɛ ba la hɛ mi!’ A maa pee kaa tohi nɛ ngɛ ní yee ngɛ blɔ tue. Yo nɔ he nɛ hue be ɔ maa pee a ní yemi he.

Yesaya 59:8

nɔ ko nɔ ko yi e he ngɛ he nɛ nyɛ ngɛ. Nɔ́ nɛ dɛ pɛ nyɛ peeɔ. Nyɛ blɔ ɔmɛ gɔdɔ, lɔ ɔ he ɔ, nɔ tsuaa nɔ nɛ nyɛɛɔ nyɛ se ɔ, e he mi jɔɛ lɛ gblegbleegble.

Yesaya 9:2

Ma nɛ hi diblii kpii mi ɔ na la kpetekpleenyɛ ko. A hi zugba ko nɛ nɔ wo diblii kpii nɔ, se jehanɛ lɛɛ la ngɛ kpɛe ha mɛ.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”

Mateo 4:16

Nihi nɛ hi diblii mi ɔ ba na la nguaa. Ni nɛmɛ nɛ hi gbenɔ zugba, kɛ gbenɔ hɔ̃ mi ɔ, la je ha mɛ.”

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Yohane 1:9

La nɛ ɔ ji la nɛ tsoɔ haa nimli adesahi tsuo.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Yohane 9:5

Be abɔ nɛ i ngɛ je ɔ mi nɛ ɔ, imi ji je ɔ la a nɛ.”

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 3:17

A ha we nɛ nihi a he mi jɔɔ mɛ.

Efesobi 5:8

Jinɛ sa a, nyɛ nitsɛmɛ nyɛ ngɛ diblii mi, se nɛ nyɛ ngɔ nyɛ he ba mɛtɛ Nyɔmtsɛ, he ɔ, nyɛ ba plɛ la. Lɔ ɔ he ɔ, nyɛɛ ba nyɛ je mi kaa nihi nɛ kɛ la ngɛ nyɛɛe.