Luka 1:75 - BAIBLO ALOO NGMAMI KLƆUKLƆU Ɔ

⁷⁵ nɛ waa hi klɔuklɔu, nɛ waa pee nɔ́ nɛ da ngɛ e hɛ mi wa wami be ɔ tsuo.

Somi He Ɔ

⁷⁵ Ngɛ he tsɔmi kɛ dami mi Ngɛ e hɛ mi wa ligbihi abɔ tsuo

Luka 1:75 ပူးပေါင်းရင်းမြစ်များ

Yesaya 43:21

Mɛ ji ye ma nɛ imi nitsɛ i bɔ ha ye he, konɛ a la kɛ je ye yi!”

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 4:24

Nyɛɛ ba nyɛ je mi kaa ni hehi nɛ a bɔ mɛ ehe ngɛ Mawu subai nɔ; konɛ a na nyɛ kaa anɔkuale mi ɔ, nyɛ peeɔ nɔ́ nɛ da, nɛ nyɛ he hu tsɔ.

Mose V, 6:2

Nyɛɛ ye Yawɛ, nyɛ Mawu ɔ gbeye, nɛ nyɛɛ ye e mlaa amɛ nɛ i ngɛ nyɛ woe, kɛ e blɔ nya tomi ɔmɛ nɛ i ngɛ nyɛ hae nɛ ɔ a nɔ. A ngɛ kɛ ha nyɛ nitsɛmɛ, nyɛ bimɛ, kɛ nyɛ nina nyɛ wami be tsuo. Nyɛɛ ye a nɔ, konɛ nyɛ se nɛ kɛ ngɛ zugba a nɔ.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

1 Tesalonikabi 4:7

Mawu tsɛ we wɔ nɛ wa ba tsu mu ní, se mohu bɔ nɛ pee nɛ wa he nɛ tsɔ.

2 Tesalonikabi 2:13

Se nyɛmimɛ nɛ Nyɔmtsɛ ɔ suɔ, e hia kaa waa na Mawu si daa ha nyɛ. Ejakaa kɛ je sisije lokoo ɔ, Mawu hla nyɛ, nɛ e he nyɛ yi wami kɛ gu mumi ɔ nɛ maa tsu nyɛ he ɔ, kɛ anɔkuale ɔ nɛ nyɛ he ye ɔ nɔ.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.