Luka 1:71 - BAIBLO ALOO NGMAMI KLƆUKLƆU Ɔ

⁷¹ ke e ma kpɔ wɔ kɛ je wa he nyɛli, kɛ nihi nɛ nyɛɛ wɔ ɔ a dɛ mi.

Somi He Ɔ

⁷¹ Ke e ma he wa yi wami kɛ maa je Wa henyɛli kɛ nihi nɛ wa he tsɛɛ mɛ ɔ a dɛ mi;

Luka 1:71 ပူးပေါင်းရင်းမြစ်များ

La 106:10

E kpɔ mɛ ngɛ nihi nɛ nyɛɛ mɛ ɔ a dɛ mi; e je mɛ kɛ je a he nyɛli ɔmɛ a dɛ mi.

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Ezekiel 34:28

Je ma amɛ ba be mɛ haoe nɛ a ha a ní hu. Lohwe awi yeli ba be mɛ nue nɛ a ye hu. A maa hi si ngɛ tue mi jɔmi mi, nɛ nɔ ko nɔ ko be a he gbeye woe.

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Ezekiel 38:8

Jeha komɛ a se ɔ, ma ha e ma ya tua nihi ngɛ Israel yo ɔmɛ a nɔ. A kɛ ta kpata zugba nɛ ɔ hɛ mi be ko, nɛ a si lejɛ ɔ ngɔ fɔ si gu jeha babauu, se jehanɛ lɛɛ a bua nihi a nya ngɛ lejɛ ɔ ngɛ tue mi jɔmi mi.

Ezekiel 28:26

A maa hi si ngɛ tue mi jɔmi, kɛ he jɔmi mi. A maa ma tsuhi, nɛ a ma hu wai ngmɔhi. Nihi tsuo nɛ pue Israel hɛ mi si ɔ, ma gbla a tue, nɛ Israel ma na he jɔmi, kɛ tue mi jɔmi kulaa. Lɔ ɔ loko a ma na maa le kaa imi ji Yawɛ, a Mawu ɔ nɛ.”

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Matsɛmɛ II, 17:39

Nyɛɛ ye imi Yawɛ, nyɛ Mawu ɔ gbeye; nɛ ma je nyɛ kɛ je nyɛ he nyɛli ɔmɛ tsuo a dɛ mi.”