Luka 1:70 - BAIBLO ALOO NGMAMI KLƆUKLƆU Ɔ

⁷⁰ E wo si blema lokoo kɛ gu e gbali klɔuklɔu ɔmɛ a nɔ

Somi He Ɔ

⁷⁰ Kaa bɔ nɛ e de kɛ je blema lokoo ngɛ e gbali klɔuklɔu ɔmɛ a nya a;

Luka 1:70 ပူးပေါင်းရင်းမြစ်များ

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Samuel II, 23:2

Yawɛ mumi ɔ tuɔ munyu kɛ guu ye nɔ, nɛ e sɛ gbi ɔ ngɛ ye nya he.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Marko 12:36

Ejakaa Mumi Klɔuklɔu ha David nitsɛ de ke, ‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Ni Tsumi 28:25

Se nɔ́ kake too nɛ Paulo de, nɛ lɔ ɔ kɛ nya sami wawɛɛ ba ni ɔmɛ a kpɛti, nɛ́ kpe ɔ kɛ gbɛ ji, “Nɔ́ nɛ Mumi Klɔuklɔu ɔ de nyɛ nɛmɛ ɔmɛ kɛ gu gbalɔ Yesaya nɔ ɔ ngɛ mi jã niinɛ!

Romabi 1:2

Mawu wo sane kpakpa a he si ngɔ to momoomo kɛ gu e gbali ɔmɛ a nɔ kaa bɔ nɛ a ngma ngɛ ngmami klɔuklɔu ɔmɛ a mi ɔ.

Hebribi 3:7

Lɔ ɔ he ɔ, kaa bɔ nɛ Mumi Klɔuklɔu ɔ deɔ ɔ, “Mwɔnɛ ɔ, ke nyɛ nu e gbi ɔ,

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.

2 Petro 3:2

Nyɛ kai munyuhi nɛ gbali klɔuklɔu ɔmɛ tu blema lokoo ɔ, kɛ wa Nyɔmtsɛ kɛ wa kpɔlɔ ɔ mlaa nɛ bɔfo ɔmɛ nɛ a tsɔ mɛ nyɛ ngɔ ɔ kɛ ba ha nyɛ ɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.