Luka 1:7 - BAIBLO ALOO NGMAMI KLƆUKLƆU Ɔ

⁷ Se a be bi; ejakaa Elizabet ɔ yosa ji lɛ, nɛ mɛ ni enyɔ ɔmɛ tsuo a bwɔ.

Somi He Ɔ

⁷ Se a be bi, ejakaa Elisabet ɔ yosa ʼi, nɛ mɛ ni enyɔ ɔ tsuo a bwɔ.

Luka 1:7 ပူးပေါင်းရင်းမြစ်များ

Mose I, 17:17

Abraham kpla si nɛ e kɛ e hɛ mi bu si. Se e muɔ nɛ e bi e he ke, “Anɛ nyumu nɛ ye jeha lafa a ma nyɛ fɔ lo? Anɛ Sara hu nɛ e ye jeha nyingmi nɛɛ ɔ ma nyɛ fɔ lo?”

Mose I, 18:11

Abraham kɛ Sara tsuo bwɔ kotokoto, nɛ Sara nine kumi se po.

Mose I, 25:21

Jinɛ Isak yo Rebeka a, yosa ji lɛ, se Isak kpa Yawɛ pɛɛ ha lɛ. Yawɛ bu e kue fami ɔ tue, nɛ Rebeka ba na mi.

Mose I, 30:1

Benɛ Rahel na kaa e fɔ we ha Yakob ɔ, e hɛ kɔ̃ e nyɛmiyo ɔ nɔ, nɛ e de Yakob ke, “Ha mi bimɛ, ke pi ja a, ma gbo.”

Matsɛmɛ I, 1:1

Jehanɛ Matsɛ David ba bwɔ kotokoto, nɛ a kɛ kuutuhi haa e he; se kɛ̃ ɔ, fĩɛ yee lɛ.

Matsɛmɛ II, 4:14

Elisha bi Gehazi ke, “Lɛɛ mɛni ma pee ha lɛ mɔ?” E he nɔ ke, “Anɔkuale mi ɔ, e be binyumu; nɛ e huno ɔ hu bwɔ.”

Luka 1:5

Benɛ Herode ngɛ matsɛ yee ngɛ Yudea a, osɔfo ko hi si nɛ e biɛ ji Zakaria. Osɔfohi a kuu nɛ a tsɛɛ Abiya a mi no ji lɛ. E yo biɛ ji Elizabet, nɛ lɛ hu Aaron nina ji lɛ.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Luka 1:8

Ligbi ko ɔ, Zakaria ya ngɛ osɔfo ní tsumi tsue ngɛ sɔlemi we ɔ. Jamɛ a be ɔ, e su a we osɔfo kuu ɔ nɔ kaa mɛ lɛ a ma sɔmɔ.

Romabi 4:19

Jamɛ a be ɔ mi ɔ, Abraham ye maa pee jeha lafa momo; se e hemi kɛ yemi ɔ lɛɛ e ngmɛɛ we he. Lɛ nitsɛ e nɔmlɔ tso ɔ pee kaa nɔ nɛ gbo momo, nɛ e yo Sara hu fɔ we. Se enɛ ɔmɛ a he susumi ha we nɛ e hemi kɛ yemi nɛ ta.

Hebribi 11:11

Hemi kɛ yemi lɛ ha Abraham na he wami nɛ a kɛ fɔɔ bi be mi nɛ e bwɔ, nɛ Sara nitsɛ hu pee yosa, ejakaa e bu nɔ nɛ wo lɛ si ɔ anɔkualetsɛ.

Samuel I, 1:2

Elkana ngɛ yihi enyɔ; nɔ kake biɛ ji Hana, nɛ nɔ kake hu biɛ ji Penina. Penina ngɛ bimɛ, se Hana lɛɛ e fɔ we.