Luka 1:69 - BAIBLO ALOO NGMAMI KLƆUKLƆU Ɔ

⁶⁹ E je kpɔlɔ kpanaa nɛ ji e tsɔlɔ David nina ha wɔ.

Somi He Ɔ

⁶⁹ Nɛ e tle yi wami hemi koli si Ngɔ ha wɔ ngɛ e wenyumu David we ɔ,

Luka 1:69 ပူးပေါင်းရင်းမြစ်များ

Samuel II, 22:3

Ye Mawu ɔ ji nɔ nɛ baa ye yi; e ngɔ nɛ i saa we ngɛ. Ye Mawu ɔ ji ye tsɛ̃i, ye wesa he, kɛ ye mɔ; lɛ nɛ e heɔ ye yi wami.

Samuel II, 7:26

O biɛ maa jije kɛ maa ya neneene, nɛ nihi ma de ke, Yawɛ Tabohiatsɛ ɔ ji Israel Mawu. Nɛ o ma ha imi, o tsɔlɔ David, ye matsɛ yemi ɔ maa hi si kɛ maa ya neneene.

Matsɛmɛ I, 11:13

I be matsɛ yemi ɔ tsuo kpɔe ngɛ e dɛ. Ngɛ ye tsɔlɔ David he, kɛ Yerusalem nɛ i ngɔ kɛ pee imi nitsɛ ye ma a he je ɔ, ma ha lɛ wɛtso kake.”

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 89:17

Mo lɛ o haa nɛ a yeɔ kunimi nguahi. Mo lɛ o naa wɔ mɔbɔ loko wa yeɔ manye.

La 89:3

O de ke, “I kɛ nɔ nɛ i hla lɛ ɔ so somi ko. I ka ye tsɔlɔ David kita ke,

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

Ezekiel 29:21

“Jamɛ a ligbi ɔ, ma ha Israel ma na he wami he, nɛ ma ha Ezekiel maa tu munyu wawɛɛ ngɛ ma a tsuo hɛ mi, konɛ a le kaa imi ji Yawɛ.”

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Mateo 1:1

Yesu Kristo, Abraham kɛ David nina a, e weku kpa ji nɛ ɔ nɛ.

Marko 11:10

A gbaa wa tsɛ David matsɛ yemi nɛ ma a! Mo kpɔ wɔ! Mo Hiɔwe No!”

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!

Samuel I, 2:10

A ma kpata Yawɛ he nyɛli ɔmɛ a hɛ mi pɛsɛpɛsɛ; hiɔwe ma si wo mɛ. Yawɛ maa kojo je ɔ tsuo; e kɛ he wami ma ha e matsɛ ɔ, nɛ e ma ha matsɛ nɛ a pɔ lɛ nu ɔ maa ye kunimi.”