Luka 1:68 - BAIBLO ALOO NGMAMI KLƆUKLƆU Ɔ

⁶⁸ “Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Somi He Ɔ

⁶⁸ “A gbaa Nyɔmtsɛ, Israel Mawu ɔ, Kaa de ba slaa e ma a, nɛ e tsu Kpɔmi nihi ha mɛ,

Luka 1:68 ပူးပေါင်းရင်းမြစ်များ

Mose I, 14:20

Mawu Hiɔwe No nɛ ha o ye o he nyɛli ɔmɛ a nɔ ɔ, a je e yi!” Abram ha Melkizedek niha ní nɛ e ya kpɔ ɔ tsuo mi dlami nyɔngma mi kake.

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Mose I, 9:26

A je Yawɛ, Shem Mawu ɔ yi! Kanaan maa pee Shem nyɔguɛ.

Matsɛmɛ I, 1:48

nɛ e sɔle ke, ‘A je Yawɛ, Israel Mawu ɔ yi kaa e hla ye binyumu ɔmɛ a kpɛti nɔ kake kɛ ba hi ye sɛ ɔ nɔ mwɔnɛ ligbi nɛ ɔ; nɛ i na nɔ́ nɛ ɔ kɛ imi nitsɛ ye hɛngmɛ.’ ”

Matsɛmɛ I, 8:15

E de ke, “A je Yawɛ, Israel Mawu ɔ yi; ejakaa si ko nɛ e wo tsaatsɛ David ɔ, e ye nɔ. Yawɛ de David ke,

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

La 106:48

Nyɛ je Yawɛ, Israel Mawu ɔ yi; nyɛ je e yi kɛ je neneene kɛ ya neneene. Nyɛ ha nɛ ma a tsuo nɛ de ke, “Amen!” Nyɛ je Yawɛ yi.

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

La 130:8

Lɛ nɔuu lɛ e ma kpɔ Israel kɛ je a he yayamihi tsuo a mi.

La 41:13

A je Yawɛ, Israel Mawu ɔ yi! A je e yi mwɔnɛ nɛ ɔ; a je e yi daa. Amen!

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Luka 1:71

ke e ma kpɔ wɔ kɛ je wa he nyɛli, kɛ nihi nɛ nyɛɛ wɔ ɔ a dɛ mi.

Luka 19:44

A ma kpata o hɛ mi pɛsɛpɛsɛ, nɛ nihi nɛ ngɛ ma a mi hu a maa gbe mɛ tsuo; a be tɛ kake po sie ngɛ e blɔ he. Ní nɛ ɔmɛ tsuo maa ba o nɔ, ejakaa be ɔ nɛ Mawu ba nɛ e ba kpɔ mo ɔ, o kplɛɛ we.”

Luka 2:38

Jamɛ a ngmlɛfia a nɔuu ɔ, Ana hu ba lejɛ ɔ. E ba je Mawu yi, nɛ e tu bimwɔyo ɔ he munyu ngɔ tsɔɔ nihi tsuo nɛ ngɛ Mawu blɔ hyɛe nɛ e kpɔ Yerusalem ma a.

Luka 24:21

Jinɛ wɔɔ lɛɛ wa hyɛ blɔ kaa lɛ nɛ e ma ba kpɔ Israel! Se enɛ ɔ tsuo se ɔ, mwɔnɛ ɔ ji ligbi etɛne nɛ ní nɛ ɔmɛ ba mi.

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Samuel I, 25:32

David de Abigail ke, “Yawɛ, Israel Mawu ɔ, nɔ nɛ tsɔ mo mwɔnɛ ligbi nɛ ɔ ke o kɛ mi nɛ ba kpe ɔ, a je e yi.