Luka 1:64 - BAIBLO ALOO NGMAMI KLƆUKLƆU Ɔ

⁶⁴ Amlɔ nɔuu ɔ, Mawu ha nɛ Zakaria nya bli, nɛ e tu munyu ekohu, nɛ e je Mawu yi.

Somi He Ɔ

⁶⁴ Nɛ amlɔ ɔ nɔuu ɔ Zakaria nya bli nɛ e lilɛ kpa pɛne, nɛ e tu munyu kɛ je Mawu yi.

Luka 1:64 ပူးပေါင်းရင်းမြစ်များ

La 51:15

Nyɔmtsɛ, bli ye nya, konɛ ma la kɛ je o yi.

Mose II, 4:11

Kɛkɛ nɛ Yawɛ de lɛ ke, “Mɛnɔ nɛ haa nɔmlɔ tuɔ munyu, loo e tui munyu? Mɛnɔ nɛ haa nɔmlɔ hyɛɛ nɔ́, loo e hyɛ we nɔ́? Mɛnɔ nɛ haa nɔmlɔ nuɔ nɔ, loo e nui nɔ́? Anɛ pi imi, Yawɛ lo?

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Ezekiel 29:21

“Jamɛ a ligbi ɔ, ma ha Israel ma na he wami he, nɛ ma ha Ezekiel maa tu munyu wawɛɛ ngɛ ma a tsuo hɛ mi, konɛ a le kaa imi ji Yawɛ.”

Ezekiel 3:27

Lɔ ɔ se ɔ, i kɛ mo maa tu munyu ekohu, nɛ ke i bli o nya a, o ma de mɛ nɔ́ nɛ imi Nyɔmtsɛ Yawɛ i de mo ɔ. A ti ni komɛ maa bu mo tue, nɛ ni komɛ hu be mo tue bue; ejakaa ma atuã tsɔli ji mɛ.”

Ezekiel 33:22

Gbɔkuɛ ɔ nɛ e nɔ jena mɔtu loko amaniɛ bɔlɔ ɔ ba a, Yawɛ he wami ɔ ma ye nya. Se mɔtu maa pee benɛ e ba a, Yawɛ bli ye nya momo, lɔ ɔ he ɔ, i nyɛ tu munyu.

Mateo 9:33

Yesu hia mumi yayami ɔ, nɛ amlɔ ɔ, amuɛti ɔ bɔni munyu tumi. Nɔ́ nɛ ɔ pee nimli kpekpemi ɔ nyakpɛ, nɛ a de ke, “A nɛ kikɛmɛ a nɔ́ nɛ ɔ eko hyɛ ngɛ Israel!”

Luka 1:20

O he we ye sɛ gbi ɔ yi; se kɛ̃ e maa ba mi ngɛ be nɛ sa mi. Akɛnɛ o he we yi he je ɔ, o nya ma ma, nɛ o be nyɛe maa tu munyu hu kɛ yaa su ligbi ɔ nɛ si nɛ i wo mo ɔ maa ba mi.”