Luka 1:51 - BAIBLO ALOO NGMAMI KLƆUKLƆU Ɔ

⁵¹ E kɛ e he wami kpetekpleenyɛ ɔ gbɛ he nɔ woli, kɛ a juɛmi yaya a tsuo ngɔ fĩa.

Somi He Ɔ

⁵¹ E kɛ e nine tsu hewami ni tsumi; Nihi nɛ woɔ a he ngɛ a tsui mi susumi mi ɔ, e gbɛ mɛ fia.

Luka 1:51 ပူးပေါင်းရင်းမြစ်များ

Mose I, 11:8

Kɛkɛ nɛ Yawɛ gbɛ mɛ ngɔ fĩa zugba a nɔ tsuo, nɛ a kpa ma a pomi.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

La 118:15

Nyɛɛ bu tue, kunimi la ngɛ pɛe ngɛ dali ɔmɛ a bo tsu ɔmɛ a mi ke, “Yawɛ kɛ e he wami kpetekpleenyɛ ɔ tsu ní nguanguahi!

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

La 52:9

Mawu, ma na mo si daa, ma na mo si kɛ maa ya neneene ngɛ nɔ́ nɛ o pee ɔ he. Ma na mo si ngɛ o ma a hɛ mi. Ma wo o biɛ ta, nɛ ma je o yi.

La 63:5

Ma ná bua jɔmi kaa nɔ nɛ ye niye ní kpakpa, kɛkɛ ɔ, ma la kɛ bua jɔmi kɛ je o yi.

La 89:10

Rahab, wo mi lohwe ɔ nɛ he ngɛ gbeye ɔ, mo lɛ o kpata e hɛ mi pɛsɛpɛsɛ. O kɛ o he wami kpetekpleenyɛ ɔ ye o he nyɛli ɔmɛ a nɔ kunimi.

La 89:13

He walɔ kpetekpleenyɛ ji mo; o he wami ɔ kle!

La 98:1

Nyɛ la la he ha Yawɛ, ejakaa e pee nyakpɛ níhi. E ngɔ lɛ nitsɛ e he wami kpetekpleenyɛ nɛ ngɛ klɔuklɔu ɔ kɛ ye kunimi ha e he.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.

Yesaya 51:9

Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

Yeremia 49:15

Yawɛ maa ba mo si ngɛ je ma amɛ a hɛ mi, nɛ nɔ ko nɔ ko be mo bue hu.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”