Luka 1:48 - BAIBLO ALOO NGMAMI KLƆUKLƆU Ɔ

⁴⁸ ejakaa e kai imi, e mawayo humi ɔ! Kɛ je mwɔnɛ ɔ kɛ yaa a, nihi tsuo ma tsɛ mi yo nɛ a gbaa lɛ,

Somi He Ɔ

⁴⁸ Kaa e kai e weyo humi nɛ e ji ɔ, Ejakaa oʼɛ, kɛ je mwɔ nɛ ɔ ligbi nɛ ɔ nɔ ɔ, yi nɔhi kulaa maa gbaa mi.

Luka 1:48 ပူးပေါင်းရင်းမြစ်များ

Mose I, 30:13

Lea wo lɛ biɛ ke Asher, nɛ e de ke, “Hyɛ bɔ nɛ ye bua jɔ ha! Yi kpa amɛ ma de ke a gbaa mi saminya.”

Samuel II, 7:8

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

La 102:17

E maa bu e nihi nɛ e kua mɛ ɔ a kue fami ɔ tue, nɛ e maa pee a hiami ní ɔmɛ ha mɛ.

La 136:23

Benɛ wa yi fi wawɛɛ ɔ, lɛ nɛ e kai wɔ; ejakaa e suɔmi ɔ ngɛ kɛ yaa neneene!

La 138:6

Yawɛ ngɛ hiɔwe lokoo mohu, se nɔ nɛ baa e he si ɔ, e hɛ hii e nɔ; nɔ nɛ woɔ e he nɔ ɔ lɛɛ e he sane ko pi Yawɛ sane.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Malaki 3:12

Jamɛ a be ɔ mi ɔ, je ma amɛ tsuo maa na kaa a gbaa nyɛ niinɛ, ejakaa zugba a tsuo maa pee kɛ bua jɔmi sɔuu.” Yawɛ Tabohiatsɛ ɔ lɛ de.

Luka 1:28

Bɔfo ɔ ba e ngɔ, nɛ e ba de lɛ ke, “Mo he manye! Nyɔmtsɛ ɔ kɛ mo ngɛ, nɛ e gbaa mo babauu!”

Luka 1:42

nɛ e de kɛ ngmlaa ke, “Mawu gbaa mo kulaa pe bɔ nɛ e gbaa yihi tsuo! Bi nɛ ngɛ o mi mi ɔ hu e gbaa lɛ!

Luka 1:45

A gbaa mo kaa o he ye kaa Nyɔmtsɛ ɔ sɛ gbi nɛ a de mo ɔ maa ba mi!”

Luka 1:49

ejakaa Mawu Ope ɔ pee ní nguanguahi ha mi. E biɛ ngɛ klɔuklɔu.

Luka 11:27

Benɛ Yesu de enɛ ɔ, yo ko wo e gbi nɔ kɛ je nimli babauu ɔ a kpɛti, nɛ e de ke, “A gbaa yo nɛ fɔ mo, nɛ e lɛ mo ɔ!”

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.