Luka 1:41 - BAIBLO ALOO NGMAMI KLƆUKLƆU Ɔ

⁴¹ Benɛ Elizabet nu nɛ Maria nga lɛ ɔ, bimwɔyo ɔ hua ngɛ e mi mi. Mumi Klɔuklɔu ɔ ba Elizabet nɔ,

Somi He Ɔ

⁴¹ Nɛ e ba mi kaa benɛ Elisabet nu Maria ngami ɔ, bimwɔyo ɔ hua ngɛ e mi mi; nɛ Mumi Klɔuklɔu hyi Elisabet tɔ.

Luka 1:41 ပူးပေါင်းရင်းမြစ်များ

Mose I, 25:22

Rebeka ngɔ hawi hɔ, nɛ benɛ e na we nɛ e fɔ mɛ lolo ɔ, jokuɛwi ɔmɛ kɛ a he ngɛ kunɔ nɔe ngɛ a nyɛ ɔ muklii ɔ mi. Rebeka bi e he ke, “Mɛni lɛ ngɛ mi pee nɛ ɔ?” Kɛkɛ nɛ e ho ya bi Yawɛ ga womi.

La 22:10

Kɛ je be mi nɛ maa fɔ mi tɔɔ lɛ i ngɔ ye hɛ ngɔ fɔ o nɔ. Mo nɔ kake too ji ye Mawu.

Luka 1:15

E ma ba pee nɔmlɔ nguaa ngɛ Nyɔmtsɛ ɔ hɛ mi. E be wai, loo dã nɛ nya wa nue. Ke a fɔ lɛ pɛ Mumi Klɔuklɔu ɔ maa ba e nɔ,

Luka 1:40

E ya sɛ Zakaria we ɔ mi, nɛ e nga Elizabet.

Luka 1:42

nɛ e de kɛ ngmlaa ke, “Mawu gbaa mo kulaa pe bɔ nɛ e gbaa yihi tsuo! Bi nɛ ngɛ o mi mi ɔ hu e gbaa lɛ!

Luka 1:44

Benɛ i nu o ngami ɔ pɛ bimwɔyo ɔ hua ngɛ ye mi mi kɛ bua jɔmi.

Luka 1:67

Mumi Klɔuklɔu ɔ ba Yohane tsɛ Zakaria nɔ, nɛ e gba ke,

Luka 4:1

Yesu kpale e se kɛ je Yordan kɛ ba, nɛ Mumi Klɔuklɔu ɔ hyi lɛ tɔ. Mumi ɔ ngɔ lɛ kɛ ya nga a nɔ,

Ni Tsumi 2:4

Mumi Klɔuklɔu ɔ ba mɛ tsuo a nɔ saminya, nɛ a bɔni gbi slɔɔtoslɔɔtohi tumi ngɛ Mumi Klɔuklɔu ɔ he wami nya.

Ni Tsumi 4:8

Kɛkɛ nɛ Petro nɛ Mumi Klɔuklɔu hyi lɛ tɔ ɔ de mɛ ke, “Nyɛ Israel ma hɛ mi nyɛɛli, kɛ ma nimeli,

Ni Tsumi 6:3

Lɔ ɔ he ɔ, wa nyɛmimɛ, nyɛɛ hla nyɛ kpɛti ni kpaago, nihi nɛ ngɛ biɛ kpakpa; nihi nɛ Mumi Klɔuklɔu ɔ hyi mɛ tɔ, nɛ a le ní hulɔ, konɛ waa ngɔ mɛ ngɔ to ní tsumi nɛ ɔ nya.

Ni Tsumi 7:55

Kɛkɛ nɛ Mumi Klɔuklɔu ɔ ba Stefano nɔ wawɛɛ nitsɛ. E hyɛ hiɔwe too; e na Mawu hɛ mi nyami ɔ, nɛ e na Yesu nɛ daa si ngɛ Mawu hiɔ nɔ.

Ni Tsumi 9:17

Lɔ ɔ he ɔ, Anania pue nɔ kɛ ho we mi he nɛ Saulo ngɛ ɔ ya. E kɛ e nine ya pue e nɔ, nɛ e de lɛ ke, “Ye nyɛmi Saulo, Nyɔmtsɛ ɔ tsɔ mi o ngɔ. Lɛ ji Yesu nɛ je e he kpo tsɔɔ mo benɛ o ma ngɛ blɔ ɔ nɔ ɔ nɛ. E tsɔ mi, konɛ ma ba ha nɛ o hyɛ nɔ́ ekohu, nɛ́ o na Mumi Klɔuklɔu ɔ.”

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.