Luka 1:35 - BAIBLO ALOO NGMAMI KLƆUKLƆU Ɔ

³⁵ Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Somi He Ɔ

³⁵ Nɛ bɔfo ɔ ha lɛ heto ke: “Mumi Klɔuklɔu maa ba o nɔ, nɛ lɔ ɔ he ɔ jamɛ a bi klɔuklɔu ɔ hu nɛ o ma fɔ ɔ, a ma tsɛ lɛ Mawu bi.

Luka 1:35 ပူးပေါင်းရင်းမြစ်များ

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Hiob 15:16

Nɛ mo, nɔmlɔ adesa nɛ o sa, nɛ se nami be o he ɔ! Mo nɛ o peeɔ yayami kaa bɔ nɛ a nuu nyu kumakuma a, kɛ maa pee kɛɛ nɛ moo o he ma tsɔ ngɛ Mawu hɛ mi?

Hiob 25:4

Lɛɛ kɛ a maa pee kɛ bu nɔmlɔ dalɔ ngɛ Mawu hɛ mi kɛɛ? Nɔmlɔ nɛ yo fɔ lɛ ɔ, kɛ e maa pee kɛɛ nɛ e he ma tsɔ?

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

Mateo 1:18

Jehanɛ ɔ, bɔ nɛ Yesu Kristo fɔmi ɔ ba ha ji nɛ ɔ nɛ. Yosef ya bi Yesu nyɛ Maria si, se e na we nɛ e kɛ lɛ ba hi si lolo nɛ a na kaa Maria hɛɛ hɔ kɛ je Mumi Klɔuklɔu ɔ mi.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Mateo 14:33

Jehanɛ, kaseli ɔmɛ nɛ ngɛ lɛ ɔ mi ɔ ja Yesu, nɛ a de ke, “Niinɛ, Mawu Bi ji mo!”

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Marko 1:1

Sane kpakpa a nɛ kɔɔ Yesu Kristo, Mawu Bi ɔ he ji nɛ ɔ nɛ.

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Luka 1:27

Gabriel hɛɛ sɛ gbi kɛ ha yiheyo ko nɛ a bi e si ha Yosef, Matsɛ David nina a kake. Yiheyo ɔ biɛ ji Maria.

Luka 1:34

Maria de bɔfo ɔ ke, “I li nyumu. Lɛ kɛ maa pee kɛɛ nɛ enɛ ɔ maa ba mi?”

Luka 1:36

Na nɛ o le kaa o weku no Elizabet, nɛ bwɔ ɔ hu hɛɛ hɔ. Sa a, a le lɛ kaa yosa; se amlɔ nɛ ɔ, e hɛɛ mi nyɔhiɔ ekpa.

Yohane 1:34

Nɔ́ nɛ ɔ ba mi jã pɛpɛɛpɛ nɛ i na, lɔ ɔ he nɛ i ngɛ odase yee ke Yesu ji Mawu Bi ɔ nɛ.”

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Ni Tsumi 8:36

Benɛ a ngɛ blɔ ɔ nɔ kɛ yaa a, a ya su he ko nɛ nyu ngɛ; kɛkɛ nɛ sɔmɔlɔ nɔkɔtɔma a de ke, “O nɛ nyu; mɛni maa tsi ye sɔlemi nya?” [

Romabi 1:4

Se a tle lɛ si kɛ je gbeje ngɛ Mawu mumi ɔ he wami nya kɛ tsɔɔ kaa Mawu Bi ji lɛ; nɛ e ngɛ klɔuklɔu.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.