Luka 1:15 - BAIBLO ALOO NGMAMI KLƆUKLƆU Ɔ

¹⁵ E ma ba pee nɔmlɔ nguaa ngɛ Nyɔmtsɛ ɔ hɛ mi. E be wai, loo dã nɛ nya wa nue. Ke a fɔ lɛ pɛ Mumi Klɔuklɔu ɔ maa ba e nɔ,

Somi He Ɔ

¹⁵ Ejakaa e maa pee nɔ ngua ngɛ Nyɔmtsɛ ɔ hɛ mi; nɛ e be wai loo da nɛ nya wa ko nue, nɛ Mumi Klɔuklɔu ɔ ma hyi lɛ tɔ kɛ maa je e nyɛ muklii mi lokoo.

Luka 1:15 ပူးပေါင်းရင်းမြစ်များ

Yeremia 1:5

“Loko i puɛ mo kɛ wo muklii mi ɔ, jamɛ a be ɔ mi ɔ, i le mo momo. Benɛ a na we nɛ a fɔ mo ɔ, jamɛ a be ɔ mi ɔ, i hla mo ngɔ to momo nɛ́ o ba gba kɛ tsɔɔ je ma amɛ.”

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Galatabi 1:15

Se, mamoo benɛ a na we nɛ a fɔ mi ɔ, jamɛ a be ɔ mi tɔɔ nɛ Mawu gu e dloomi ɔ nɔ nɛ e hla mi. Nɛ benɛ e to e yi mi kaa

Ni Tsumi 2:4

Mumi Klɔuklɔu ɔ ba mɛ tsuo a nɔ saminya, nɛ a bɔni gbi slɔɔtoslɔɔtohi tumi ngɛ Mumi Klɔuklɔu ɔ he wami nya.

Luka 7:33

Yohane nɔ sɔlelɔ ɔ ba. E yi ní, nɛ e nui wai, nɛ nɔ́ nɛ nyɛ de ji, ‘Mumi yayami ngɛ e mi!’

Yoshua 4:14

Jamɛ a ligbi ɔ, Yawɛ wo Yoshua hɛ mi nyami ngɛ Israel bi ɔmɛ tsuo kulaa a hɛ mi; nɛ a ye lɛ gbeye e wami ligbi ɔmɛ tsuo, kaa bɔ nɛ a ye Mose gbeye ɔ.

Luka 7:28

I ngɛ nyɛ dee ke, nimli tsuo nɛ a fɔ kɛ ba je ɔ mi ɔ, a ti nɔ ko nɔ ko pi Yohane. Se nɔ nɛ ji nyafii pe kulaa ngɛ Mawu matsɛ yemi ɔ mi ɔ pã Yohane.”

Kronika I, 17:8

Imi lɛ i kɛ mo nyɛɛ kɛ ya kɛ ba, nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguanguahi nɛ ngɛ zugba a nɔ ɔ a ti nɔ ko.

Yoshua 3:7

Enɛ ɔ se ɔ, Yawɛ de Yoshua ke, “Mwɔnɛ ligbi nɛ ɔ, ma bɔni o hɛ mi nyami womi ngɛ Israel ma a tsuo a hɛ mi, konɛ a na nɛ a le kaa bɔ nɛ i kɛ Mose hi si ɔ, jã kɛ̃ i kɛ mo hu maa hi si.

Zakaria 9:15

Yawɛ Tabohiatsɛ ɔ maa bu e ma a he, a maa naa amlami fɔli ɔmɛ a nɔ, nɛ a ma kpata a hɛ mi. Muɔ ma pue si kaa wai nɛ hyi kplu. A ma pue a he nyɛli a muɔ si basaa kaa bɔ nɛ a kpaa muɔ kɛ pueɔ bɔ sami la tɛ nɔ ɔ.

La 22:9

Se, mo lɛ o je mi kɛ je maa muklii mi; nɛ o hyɛ ye nɔ kɛ je be mi nɛ i ngɛ nyɔ nya tɔɔ.

Kronika I, 29:12

Ní nami, kɛ hɛ mi nyami tsuo jee o dɛ mi. O kɛ o he wami yeɔ nɔ́ tsuaa nɔ́ nɔ; mo lɛ o haa nɔ biɛ, kɛ he wami.

Mose I, 48:19

Se e tsɛ ɔ kplɛɛ we. E tsɛ ɔ de ke, “I le, ye bi, i le. Manase ɔ, lɛ hu e nina ma ba pee ma agbo hwɔɔ se. Se mohu ɔ, e senɔ ɔ ma ba pee nɔmlɔ agbo pe lɛ, nɛ e senɔ ɔ nina ma ba pee je ma nguanguahi.”

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Yeremia 35:6

Se a he nɔ ke, “Wa be wai nue, ejakaa wa nɛ̃, Yonadab wo wɔ mlaa ke wa ko nu wai ligbi ko ligbi ko, wɔ jio, wa nina jio.

Luka 1:14

Ke a fɔ lɛ ɔ, o ma nya, nɛ o ma na bua jɔmi, nɛ nihi babauu ma nya ja nɔuu.