Luka 1:13 - BAIBLO ALOO NGMAMI KLƆUKLƆU Ɔ

¹³ Se bɔfo ɔ de lɛ ke, “Zakaria, koo ye gbeye! Mawu nu o kue fami ɔ. O yo Elizabet ma fɔ binyumu ha mo, nɛ o maa wo lɛ biɛ ke Yohane.

Somi He Ɔ

¹³ Se bɔfo ɔ de lɛ ke: “Koo ye gbeye, Zakaria, ejakaa a bu o pɛɛ kpami ɔ tue, nɛ o yo Elisabet ma fɔ bi nyumu ha mo, nɛ o wo lɛ biɛ Yohane.

Luka 1:13 ပူးပေါင်းရင်းမြစ်များ

Mose I, 17:10

Bɔ nɛ o kɛ o nina maa ye ye somi ɔ nɔ ji nɛ ɔ nɛ: nyumu tsuaa nyumu nɛ ngɛ nyɛ kpɛti ɔ, a po lɛ.

Mose I, 17:19

Se Mawu he nɔ ke, “Dɛbi, o yo Sara ma fɔ binyumu ha mo, nɛ o maa wo lɛ biɛ ke Isak. Ma ye ye somi ɔ nɔ kɛ ha lɛ kɛ e nina kɛ maa ya neneene.

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Mose I, 25:21

Jinɛ Isak yo Rebeka a, yosa ji lɛ, se Isak kpa Yawɛ pɛɛ ha lɛ. Yawɛ bu e kue fami ɔ tue, nɛ Rebeka ba na mi.

La 113:9

E haa yosa fɔɔ bi; e plɛɔ peeɔ bimɛ a nyɛ, nɛ e bua jɔɔ e he saminya. A je Yawɛ yi.

La 118:21

Yawɛ, o nɔ́ ji sina; ejakaa o bu mi tue, nɛ o he ye yi wami.

Yesaya 8:3

Pee se ɔ, i kɛ ye yo, gbalɔyo ɔ na bɔmi. E ngɔ hɔ nɛ e fɔ binyumu. Kɛkɛ nɛ Yawɛ de mi ke, “Wo lɛ biɛ ke, ‘Puɛ ní esɔ, haa ní kɛ fo.’

Daniel 10:12

Kɛkɛ nɛ e de mi ke, “Daniel, koo ye gbeye. Kɛ je kekleekle ligbi ɔ nɛ o to kaa o maa ba o he si ha o Mawu ɔ, konɛ o nu níhi a sisi ɔ, jamɛ a be ɔ tɔɔ Mawu nu o kue fami ɔ. Nɛ lɔ ɔ he i ba hiɛ ɔ nɛ.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Hosea 1:6

E na mi ekohu nɛ e fɔ yo. Yawɛ de Hosea ke, “Moo wo lɛ ke, ‘Asumemo’. Ejakaa i be Israel sane suɔe hu, nɛ i be a tɔmi ngɔe kɛ pa mɛ.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Mateo 14:27

Se amlɔ ɔ, Yesu wo e nya nɔ, nɛ e de mɛ ke, “Nyɛ na tsui, imi! Nyɛ ko ye gbeye!”

Mateo 28:5

Bɔfo ɔ de yi ɔmɛ ke, “Nyɛ ko ye gbeye. I le kaa nyɛ ngɛ Yesu nɛ a sɛu ɔ hlae.

Marko 16:6

Se niheyo ɔ de mɛ ke, “Nyɛ ko ye gbeye! Nyɛ ngɛ Yesu, Nazaret no nɛ a sɛu ɔ hlae; pi jã? E te si! E be hiɛ ɔ. He nɛ a kɛ lɛ fɔ ɔ ji nɛ ɔ nɛ.

Luka 1:14

Ke a fɔ lɛ ɔ, o ma nya, nɛ o ma na bua jɔmi, nɛ nihi babauu ma nya ja nɔuu.

Luka 1:30

Se bɔfo ɔ de lɛ ke, “Maria, koo ye gbeye; Mawu na o he bua jɔmi.

Luka 2:21

Otsi se, benɛ jokuɛ ɔ pomi be su ɔ, a wo lɛ biɛ ke Yesu, biɛ nɛ bɔfo ɔ ha lɛ loko Maria ngɔ e hɔ ɔ.

Ni Tsumi 10:31

nɛ e de ke, ‘Kornelio, Mawu nu o kue fami ɔ, nɛ ní kpakpahi nɛ o pee ɔ hu, e ná he bua jɔmi.

Manyadali 6:23

Se Yawɛ de lɛ ke, “He jɔmi ha mo. Koo ye gbeye; o be gboe!”

Samuel I, 2:21

Yawɛ gbaa Hana niinɛ, nɛ e fɔ binyumu kpahi etɛ kɛ yihi enyɔ. Jokuɛyo Samuel ɔ ba wa, nɛ e ya nɔ nɛ e sɔmɔ Yawɛ.