Luka 1:1 - BAIBLO ALOO NGMAMI KLƆUKLƆU Ɔ

¹ Ye suɔlɔ Teofilo: Nihi babauu bɔ mɔde kaa a maa ngma níhi nɛ ba mi ngɛ wa kpɛti ɔ he sane

Somi He Ɔ

¹ Akɛnɛ nihi fuu kɔ fɔ a nɔ kaa a maa ngma sanehi nɛ ba mi ngɛ wa kpɛti ɔ,

Luka 1:1 ပူးပေါင်းရင်းမြစ်များ

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Marko 16:20

Kaseli ɔmɛ ho nɛ a ya fiɛ ngɛ he tsuaa he, nɛ Nyɔmtsɛ ɔ kɛ mɛ tsu ní. E ha a pee nyakpɛ níhi babauu kɛ pi munyu ɔ se.] [

Romabi 4:21

Ejakaa Abraham he ye wawɛɛ kaa si nɛ Mawu wo lɛ ɔ, e maa ye nɔ.

Romabi 14:5

E peeɔ ni komɛ kaa ligbi ɔmɛ ekomɛ a he hia pe ekomɛ, be mi nɛ ni komɛ susuɔ kaa ligbi ɔmɛ tsuo sɔ. Nɔ tsuaa nɔ nɛ pee e juɛmi ngɛ nɔ́ nɛ ɔ he.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

Hebribi 6:11

Nɔ́ nɛ wa ngɛ hlae ji kaa bɔ nɛ nyɛɛ kɛ hɛdɔ tsu nɔ́ nɛ ɔ, nyɛ ti nɔ tsuaa nɔ maa hɛɛ mi kɛ ya si nyagbe. Kɛkɛ ɔ, níhi nɛ nyɛ ngɔ nyɛ hɛ ngɔ fɔ nɔ ɔ, nyɛ ma na a nɔ mi mami.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.