Kɔmɔ Yemi 5:7 - BAIBLO ALOO NGMAMI KLƆUKLƆU Ɔ

⁷ Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.

Kɔmɔ Yemi 5:7 ပူးပေါင်းရင်းမြစ်များ

Mose I, 42:13

A de Yosef ke, “Nyumu kake bimɛ ji wɔ; wa tsɛ je Kanaan zugba a nɔ. Jinɛ nyɛmimɛ nyɔngma kɛ enyɔ ji wɔ; se wa ti nɔ kake be je mi, nɛ jokuɛyo ɔ hu ngɛ wa tsɛ ngɔ.”

Mose I, 42:36

Kɛkɛ nɛ a tsɛ Yakob de mɛ ke, “Nyɛ ma ha ye bimɛ ɔmɛ ma gbo ta ye he lo? Yosef be; Simeon be; nɛ jehanɛ, nyɛ ngɛ hlae nɛ nyɛɛ ngɔ Benyamin hu kɛ ho. Nɔ yeyee maa hi mi pee kikɛ nɛ ɔ!”

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

Hiob 7:8

Nɛ́ nyɛ ngɛ mi hyɛe nɛ ɔ, nyɛ be mi nae hu. Nyɛ maa hi mi hyɛe kikɛ nɛ ɔ kɛkɛ i si nyɛ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Yeremia 14:20

Yawɛ, wa ngɛ jajee ke wa pee yayami kɛ si mo, nɛ wa nɛmɛ ɔmɛ hu pee yayami kɛ si mo.

Yeremia 16:11

Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 31:15

Yawɛ ke, “A nu gbi ko ngɛ Rama, kɔmɔ yemi kɛ ya fomi nɛ nya wa, Rahel ngɛ e bimɛ ɔmɛ foe nɛ e kplɛɛ we kpatami, ejakaa a be hu.

Yeremia 31:29

Ke jamɛ a be ɔ su ɔ, a be dee hu ke, ‘Tsɛmɛ ɔmɛ ye wai yiblii ngmlikiti nɛ bimɛ ɔmɛ a lungu fĩa.’

Ezekiel 16:58

Zo ní nɛ o tsu, kɛ ní hiemi níhi nɛ o pee ɔ, a he tue gblami bɔɔ ko kɛkɛ ji nɛ ɔ nɛ.” Yawɛ lɛ de.

Ezekiel 18:2

“Abɛ nɛ ɔ nɛ kɔɔ zugba a he, nɛ Israel bi ɔmɛ ngɛ bue kpamisa ke, ‘Tsɛmɛ ɔmɛ ye wai yiblii ngmlikiti, nɛ bimɛ ɔmɛ mohu a lungu fĩa’ a, kɛ a ngɛ tsɔɔe kɛɛ ɔ?”

Zakaria 1:5

Amlɔ nɛ ɔ, jije nyɛ nɛmɛ ɔmɛ ngɛ? Nɛ gbali ɔmɛ nɛɛ! A ngɛ je mi kɛ mwɔɔ?

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’