Kɔmɔ Yemi 5:5 - BAIBLO ALOO NGMAMI KLƆUKLƆU Ɔ

⁵ A woɔ wɔ kuɛ pã tso, nɛ a haa wa tsuɔ ní kpakpataa; nɛ ke pɔ tɔ wɔ ɔ, a ha we nɛ wa jɔɔ wa he.

Kɔmɔ Yemi 5:5 ပူးပေါင်းရင်းမြစ်များ

Yeremia 27:2

Yawɛ de mi ke ma ya pee kuɛpã tso kɛ e he kpa nɛ a kɛ lohwe he womi pee kɛ kpla ye kuɛ.

Yeremia 27:8

“Se ke je ma ko, aloo nɔ yemi ko kua ke mɛɛ lɛɛ a be kikɛmɛ a Babilonia matsɛ, Nebukadnezar nɛ ɔ sɔmɔe ɔ, ma ngɔ ta, hwɔ, kɛ gbenɔ hiɔ kɛ gbla a tue hluu kɛ yaa si be nɛ ma ha nɛ Nebukadnezar ma kpata a hɛ mi pɛsɛpɛsɛ.

Yeremia 28:14

Yawɛ Tabohiatsɛ, Israel Mawu ɔ ke e kɛ dade kuɛpã tso maa fɔ je ma nɛ ɔmɛ tsuo a kuɛ, nɛ a ma ba sɔmɔ Babilonia matsɛ, Nebukadnezar. Yawɛ ke e ma ha nɛ pu mi lohwehi po ma sɔmɔ Nebukadnezar.”

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Kɔmɔ Yemi 1:14

“E ngɔ ye he yayami ɔmɛ tsuo kɛ to, nɛ e fi kaa tlomi; kɛkɛ nɛ e ngɔ tloo mi. E jiɔ tsɔ ha mi; e ngɛ mi gbee! Nyɔmtsɛ ɔ ngɔ mi kɛ wo he nyɛli nɛ a he wa pe mi a dɛ mi, nɛ peepee ko kulaa be ye he.

Kɔmɔ Yemi 1:3

Yuda bi ɔmɛ ba plɛ pee nyɔguɛhi; pi a suɔmi nya nɛ a ngɔ mɛ kɛ ho ma se ya a. A ya je zugba kpahi a nɔ, nɛ a he mi jɔɛ mɛ. Benɛ a ngɛ aywilɛho yee ɔ, a he nyɛli ɔmɛ tsuo ba sa a yi.

Kɔmɔ Yemi 4:19

He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Mika 2:3

Enɛ ɔ he je ɔ, Yawɛ ke, “I to nɛ i kɛ haomi maa ba nyɛ nɔ, nɛ nyɛ he be mi jee. Ke haomi nɛ ɔ na ba nyɛ nɔ ɔ, nyɛ be nyɛ he nɔ woe hu gblegbleegble.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Ni Tsumi 15:10

Lɛɛ jehanɛ mɛni he je nyɛ ngɛ Mawu kae, nɛ tlomi nɛ wa nɛmɛ ɔmɛ, kɛ wɔ nitsɛmɛ po wa nyɛ we waa tloo ɔ, nyɛɛ kɛ ngɛ ni nɛmɛ nɛ he ye ɔ tlooe mɔ?

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.