Kɔmɔ Yemi 5:20 - BAIBLO ALOO NGMAMI KLƆUKLƆU Ɔ

²⁰ Mɛni he je o hɛ je wa nɔ pɛsɛpɛsɛ ɔ? Mɛni he je o ngmɛɛ wa he be babauu nɛ ɔ?

Kɔmɔ Yemi 5:20 ပူးပေါင်းရင်းမြစ်များ

La 13:1

Yawɛ, kɛ yaa si mɛni be nɛ o hɛ maa je ye nɔ? Kɛ yaa neneene lo? Mɛni be o maa laa mi kɛ yaa si?

La 13:2

Mɛni be ma na nɔ́ kɛ yaa si? Aywilɛho ma hyi ye tsui mi daa ligbi kɛ yaa si mɛni be? Ye he nyɛli ma ná ye he blɔ daa nɛ kɛ yaa si mɛni be?

La 42:10

Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.

La 44:24

Mɛni he je o ngɔ o hɛ mi kɛ laa wɔ ɔ? Mɛni ba loko o hɛ je nɔ kaa a ngɛ wɔ yi mi wae, nɛ wa ngɛ nɔ́ nae ɔ?

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

La 79:5

Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

La 85:5

Anɛ o mi mi ma fu wɔ daa lo? Anɛ o mi mi fumi ɔ ma tsa nɔ kɛ ya yi nɔhi tsuo lo?

La 89:46

Yawɛ, mɛni be o maa laa o he kɛ ya si? O maa laa o he kɛ maa ya neneene lo? O mi mi fumi nɛ ngɛ kaa la nɛ ngɛ tsoe ɔ, mɛni be lɛ e se maa po?

Yesaya 49:14

Se bɔ nɛ Yerusalem ngɛ dee ji, “Yawɛ ngmɛɛ ye he ngɔ fɔ si! E hɛ po je ye nɔ.”

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Yeremia 14:9

Mɛni he je o pee kaa nyumu nɛ nɔ́ ko ti lɛ si tlukaa, loo katsɛ nɛ nyɛ we nɔ yi wami nɛ e he ɔ? Yawɛ, niinɛ o kɛ wɔ ngɛ! O ma ji wɔ; ko kua wɔ.’ ”