Kɔmɔ Yemi 5:18 - BAIBLO ALOO NGMAMI KLƆUKLƆU Ɔ

¹⁸ ejakaa Zion Yo ɔ nɔ je gu kɛ fɔɔ si, nɛ nga mi gbehi ngɛ ma a mi ní kokoe ɔmɛ a mi kpae.

Kɔmɔ Yemi 5:18 ပူးပေါင်းရင်းမြစ်များ

Matsɛmɛ II, 25:9

E ya sã Yawɛ we ɔ, kɛ matsɛ we ɔ, kɛ nimli nguahi tsuo nɛ ngɛ Yerusalem ɔ a wehi,

Nehemia 4:3

Amon no ɔ nɛ a tsɛɛ Tobia, nɛ daa si ngɛ e ngɔ ɔ hu bi ke, “Mɛni gbogbo a ma nyɛ maa fia?” E ya nɔ nɛ e de ke, “Tsia, kɔkɔbo tete po ma nyɛ ma tsitsɛɛ a gbogbo ɔ ngɔ ko si!”

La 63:10

A maa nɔ ngɛ ta mi, nɛ nga mi gbehi maa ye a gbogboe.

Yesaya 64:9

Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

Yeremia 17:3

kɛ yo ɔmɛ tsuo a nɔ, ngɛ nga a nɔ. Ma ha nɛ nihi ma ba ha nyɛ sika kɛ juetli, ngɛ yayamihi nɛ nyɛ pee ngɛ zugba a nɔ tsuo ɔ he.

Yeremia 26:9

Mɛni he je lɛ o fiɛ ngɛ Yawɛ biɛ mi ke we nɛ ɔ ma ba pee kaa Shilo ɔ? Mɛni he je lɛ o de ke a ma kpata ma nɛ ɔ hɛ mi, nɛ nɔ ko nɔ ko be mi hie hu ɔ?” Kɛkɛ nɛ ma a tsuo ba bua kɛ wo ye he ngɛ Yawɛ we ɔ.

Yeremia 44:2

Yawɛ Tabohiatsɛ, Israel Mawu ɔ ke, “Nyɛ nitsɛmɛ nyɛ na bɔ nɛ i kpata Yerusalem, kɛ Yuda ma kpa amɛ a hɛ mi. Amlɔ nɛ ɔ, ma amɛ pee ma dokuhi nɛ nɔ ko nɔ ko be a mi,

Yeremia 44:6

Enɛ ɔ he je ɔ, ye mi mi la nɛ nya wa a puɛ ní ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ kaa bɔ nɛ la sãã nɔ́ ɔ. Nɛ ma amɛ a hɛ mi kpata, nɛ a pee ma dokuhi kaa bɔ nɛ a ngɛ mwɔnɛ ɔ.

Yeremia 52:13

E sã Yawɛ we ɔ, matsɛ we ɔ, kɛ ni nguahi tsuo nɛ ngɛ Yerusalem ɔ a wehi,

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Ezekiel 13:4

Israel ma, o gbali ɔmɛ a he be se nami; a ngɛ kaa kɔkɔbohi ngɛ ma doku mi.

Daniel 9:17

Wa Mawu lee, moo bu ye sɔlemi kɛ pɛɛ kpami ɔ tue. O we ɔ nɛ a kpata hɛ mi, nɛ e pee we doku ɔ, to lɛ sisi ekohu, konɛ nɔ tsuaa nɔ nɛ e na kaa Mawu ji mo.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.