Kɔmɔ Yemi 5:14 - BAIBLO ALOO NGMAMI KLƆUKLƆU Ɔ

¹⁴ Nimowihi hí si ngɛ ma agbo nya hu, nɛ nihewi fiɛ we do hu.

Kɔmɔ Yemi 5:14 ပူးပေါင်းရင်းမြစ်များ

Hiob 30:1

Se mwɔnɛ ɔ, nihi nɛ i wa pe mɛ po ngɛ mi muɔe. Nimli nɛ ɔmɛ a tsɛmɛ nɛ fɔ mɛ ɔ, i bui mɛ fɛɛ; gbehi nɛ buu ye tohi a he pohu i kɛ mɛ be gbe ɔmɛ futue.

Hiob 30:31

Ye gbi nɛ jijeɔ kaa saku, aloo bɛ ɔ, mwɔnɛ ɔ, e pɛɛ kaa nihi nɛ a wo yana kɛ ngɛ kɔmɔ yee.

Yeremia 16:9

Bɔ nɛ imi Yawɛ Tabohiatsɛ, Israel Mawu ɔ, i ngɛ dee ji ma ha nɛ nyami, kɛ bua jɔmi, kɛ ayɛflo he ní peemi hoo ɔ se maa po. Nyɛ maa na nɔ́ nɛ ɔ paa kɛ nyɛ nitsɛmɛ nyɛ hɛngmɛ ngɛ nyɛ wami be mi.

Yeremia 25:10

Ma ha nɛ nyami, kɛ bua jɔmi, kɛ ayɛflo he ní peemi hoo ɔ se maa po. A be nu nae kɛ wo a kane ɔmɛ a mi hu, nɛ blɛfo maa ta.

Yeremia 7:34

Zugba a ma plɛ pee nga kplanaa. Ma ha nɛ nyami, bua jɔmi, kɛ ayɛflo he ní peemi hoo ɔ se maa po ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ.

Kɔmɔ Yemi 1:19

“I fɔ ye huɛmɛ ɔmɛ nine, konɛ a ba piɛ ye he, se a sisi mi. Benɛ ye osɔfo ɔmɛ, kɛ ma nimeli ɔmɛ tsuo ho ma a mi ya ya ngɛ niye ní hlae nɛ a ye nɛ a yi nɛ na wami ɔ, kɛkɛ nɛ mɛ tsuo a hɛ mi kpata.

Kɔmɔ Yemi 1:4

Zion blɔ ɔ nɔ pee mɔbɔmɔbɔ. Nimli a nane po ngɛ blɔ ɔ nɔ; a bɛ nɛ a ba ye nyami be ɔmɛ. Nɔ ko nɔ ko ba gui ma a agbo ɔmɛ a mi. Osɔfo ɔmɛ ngɛ kɛmɛe. Yihewi ɔmɛ ngɛ nɔ́ nae. Zion hao wawɛɛ nitsɛ.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Ezekiel 26:13

Ma ha o la amɛ a se maa po; a be o saku ɔmɛ a he nue hu.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.

Kpojemi 18:22

Babilon, la be pɛe gblegbleegble ngɛ ma a mi hu! A be kpa saku, loo adesa gbi, loo bɛ, loo titimati he nue hu gblegbleegble ngɛ ma a mi! A be ga ní tsulɔ ko ga ní tsulɔ ko kulaa nae ngɛ ma a mi hu; wɛ tɛ hu a be e nya nue hu!