Kɔmɔ Yemi 4:9 - BAIBLO ALOO NGMAMI KLƆUKLƆU Ɔ

⁹ Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Kɔmɔ Yemi 4:9 ပူးပေါင်းရင်းမြစ်များ

Matsɛmɛ II, 25:3

Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa nɛ ma mi bi ɔmɛ na we ní nɛ a ye ɔ,

Mose II, 16:3

nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Yesaya 22:2

Ma a mi tsuo pee hoo kɛ ngmlaa kɛ gidigidi sɔuu. O nihi nɛ gbo nɛ ɔ, pi ta nya nɛ a nɔ ngɛ.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Ezekiel 24:23

Nyɛ yi fimi ní ɔmɛ maa fi nyɛ yi; nyɛ tokota amɛ maa hi nyɛ nane; nyɛ be kɔmɔ yee, nɛ nyɛ be ya foe. Se yayamihi nɛ nyɛ pee ɔ ma ha nyɛ maa ta he lo, nɛ nyɛ ma kɛmɛ kɛ tsɔɔ nyɛ sibi.

Ezekiel 33:10

Yawɛ kɛ mi tu munyu. E ke, “Nɔmlɔ adesa, bɔ nɛ Israel ma a ngɛ dee ji, ‘Wa tɔmi ɔmɛ, kɛ wa he yayami ɔmɛ pee tlomi ngɛ wa nɔ, nɛ e ha wa ngɛ he lo tae. Kɛ wa maa pee kɛ hi je mi kɛɛ?’

Ezekiel 4:16

E de mi hu ke, “Nɔmlɔ adesa, ma ha nɛ niye ní he maa hia ngɛ Yerusalem. Niye ní nɛ ma mi bi ɔmɛ maa ye ɔ, a maa ngmɛ ngɛ sɛni tɛ nɔ, nɛ nyu nɛ a maa nu hu a ma susu ha mɛ. A he maa hia mɛ, nɛ a maa ye a tsui ngɛ nyu kɛ ngma he.

Ezekiel 7:15

A maa hia klaate kɛ nyɛɛ gbɛjegbɛ ɔmɛ a nɔ; nɛ gbenɔ hiɔ maa ba we ɔmɛ a mi. Nɔ nɛ ngɛ ta nga nɔ ɔ maa nɔ ngɛ ta a nya; nɔ nɛ ngɛ ma a mi ɔ, gbenɔ hiɔ, loo hwɔ ma kpata e hɛ mi.

Mose III, 26:39

Nyɛ nihi bɔɔ nɛ maa piɛ ngɛ nyɛ he nyɛli ɔmɛ a zugba a nɔ ɔ maa ta he lo ngɛ nyɛɛ kɛ nyɛ nɛmɛ ɔmɛ a he yayami ɔmɛ a he.

Mose V, 28:51

A maa ye nyɛ we mi lohwe ɔmɛ, kɛ nyɛ ngmɔ niba ní ɔmɛ tsuo; se nyɛɛ lɛɛ nyɛ ma gbo kɛ hwɔ. He nyɛli ɔmɛ be ngma, loo wai, loo nu, loo na, loo to piɛe ha nyɛ; nɛ nyɛ ma gbo.