Kɔmɔ Yemi 4:6 - BAIBLO ALOO NGMAMI KLƆUKLƆU Ɔ

⁶ A gbla ye ma a tue wawɛɛ pe Sodom. Sodom lɛɛ e tue gblami ɔ ba ngɛ hɛngmɛfia mi, nɛ adesa nine be mi.

Kɔmɔ Yemi 4:6 ပူးပေါင်းရင်းမြစ်များ

Mose I, 19:24

Tlukaa a, Yawɛ ha nɛ la nɛ ngɛ tsoe gegeege je hiɔwe pue Sodom kɛ Gomora a nɔ.

Mose I, 19:25

Nɛ Yawɛ kpata ma nɛ ɔmɛ, kɛ kɔ̃ ɔ, kɛ nimli tsuo nɛ ngɛ lejɛ ɔ, kɛ nɔ́ tsuaa nɔ́ nɛ puɛ ngɛ zugba a nɔ ɔ a hɛ mi.

Yesaya 24:2

Tue gblami kake lɛ ngɛ ha nɔ tsuaa nɔ, osɔfo jio, ma a jio, nyɔguɛ jio, nyɔmtsɛ jio, ní helɔ jio, ní jualɔ jio, nɔ nɛ ngɛ nɔ pae ha nɔ jio, nɔ nɛ ya ngɛ nɔ pae jio, niatsɛ jio, dɛgulɔ jio.

Yeremia 20:16

Ha nɛ jamɛ a nyumu ɔ nɛ pee kaa jamɛ a ma amɛ nɛ Yawɛ kpata a hɛ mi nɛ mɔbɔ nami ko be mi ɔ pɛ. Mɔtu ɔ, ha nɛ bubuubui nɛ pɛ kɛ wo lɛ; piani lɛɛ e nu nɛ a he ose ngɛ ta mi,

Yeremia 23:14

Se i na kaa Yerusalem gbali ɔmɛ po pe mɛ kɛ yayami peemi; a puɛɔ gba, nɛ a yeɔ lakpa; a ya piɛɔ nihi a he nɛ a kɛ peeɔ yayami; nɛ enɛ ɔ he je ɔ, nɔ ko kpa we yayami peemi. Ngɛ imi ye hɛ mi ɔ, nimli yayamihi ji mɛ tsuo pɛpɛɛpɛ kaa Sodom kɛ Gomora bi.

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Daniel 8:25

E maa to ga kɛ sisi nihi babauu. E ma wo e he nɔ, nɛ e ma kpata nihi babauu a hɛ mi be mi nɛ a hɛ be a he nɔ. Ganɔhi a ganɔ ɔ nitsɛ po, e maa te si ngɔ wo lɛ. Se a ma kpata e hɛ mi; nɛ tsa pi nɔmlɔ adesa he wami nɛ ma tsu nɔ́ nɛ ɔ.

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Mateo 24:21

Ejakaa jamɛ a be ɔ, haomi nguaa maa ba nɛ a nɛ eko hyɛ kɛ je be nɛ a bɔ je ɔ kɛ ba si mwɔnɛ ligbi nɛ ɔ. Lɔ ɔ se hu, nɔ́ ko kaa ja be bae gblegbleegble.

Luka 10:12

I ngɛ nyɛ dee ke, kojomi ligbi ɔ, Mawu maa na Sodom mɔbɔ kulaa pe jamɛ a ma a!”

Luka 12:47

“Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.