Kɔmɔ Yemi 4:4 - BAIBLO ALOO NGMAMI KLƆUKLƆU Ɔ

⁴ Kuma gbe bimwɔwi; a ngɛ a nya mi lɔe kɛ ngɛ nyu hlae. Jokuɛwi ngɛ pɛɛ kpae ke a ha mɛ niye ní; se nɔ ko nɔ ko ha we mɛ.

Kɔmɔ Yemi 4:4 ပူးပေါင်းရင်းမြစ်များ

Matsɛmɛ II, 18:27

Se asafoatsɛ ɔ de mɛ ke, “Ye nyɔmtsɛ ɔ tsɔɛ mi nyɛɛ kɛ nyɛ nyɔmtsɛ ɔ kɛkɛ nyɛ ngɔ kɛ munyu nɛ ɔ. Nimli nɛ pueɔ si ngɛ gbogbo ɔ nɔ ɔ, mɛ hu munyu nɛ ɔ kɔɔ a he; ejakaa a maa ye mɛ nitsɛmɛ a fĩ, nɛ a maa nu mɛ nitsɛmɛ a zami kaa nyɛ nɔuu.”

Matsɛmɛ II, 25:3

Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa nɛ ma mi bi ɔmɛ na we ní nɛ a ye ɔ,

La 137:6

Ke i kaii we mo Yerusalem, nɛ ke i bui mo kaa nɔ nɛ haa mi bua jɔmi pe kulaa a, lɛɛ ye lilɛ nɛ mɛtɛ ye nya mi.

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

Yesaya 5:13

a maa nuu nyɛ nɛ a maa bɔ nyɛ pã kɛ ho ma se ya. Mi mi hwɔ maa gbe nyɛ ma nimeli ɔmɛ, nɛ kuma maa ye ni gu ɔmɛ kɛ yaa si a ma gbo.

Yeremia 14:3

Odehe ɔmɛ tsɔɔ ke a ya yɛ nyu kɛ ba, se ke tsɔli ɔmɛ ya su vu ɔmɛ a he ɔ, a nɛ nyu, nɛ a kpaleɔ buɛ mi gu kɛ baa. Ke a hɛ mi pue si kikɛ nɛ ɔ, a kɛ nɔ́ haa a hɛ mi kɛ tsiɔ zo.

Kɔmɔ Yemi 1:11

E we bi ɔmɛ ngɛ kɛmɛe kɛ ngɛ nɔ́ ko hlae nɛ a ye. A ngɔ a juetli ɔmɛ kɛ tsake niye ní, konɛ a yi nɛ na wami. Ma a ngɛ kue fae ke, “Yawɛ, moo hyɛ nɛ o na mi mɔbɔ, ejakaa ye he guɛ gbo!”

Luka 10:11

‘Nyɛ ma nɛ ɔ mi bunyuku tete nɛ ngɛ wa nane he ɔ, wa ngɛ blɛe kɛ ngɛ nyɛ nɔ puee. Se kɛ̃ ɔ, nyɛ na nɛ nyɛɛ le kaa Mawu matsɛ yemi ɔ na nyɛ ta!’

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

Mose V, 32:24

Hwɔ kɛ aslã maa gbe mɛ, nɛ hiɔhi nɛ ngɛ gbeyegbeye ma kpata a hɛ mi. Ma ha nga mi lohwe awi yeli ma ba tua mɛ, nɛ sinɔ duɔtsɛmɛ maa kɔɔ mɛ.