Kɔmɔ Yemi 4:3 - BAIBLO ALOO NGMAMI KLƆUKLƆU Ɔ

³ Nga mi gbe po haa e bimɛ nyɔ nɛ a pupɔɔ, se ye ma a lɛɛ a yi mi wa; a ngɛ kaa dugumahi ngɛ nga nɔ.

Kɔmɔ Yemi 4:3 ပူးပေါင်းရင်းမြစ်များ

Matsɛmɛ I, 3:21

Mɔtu benɛ i te si nɛ ma ha ye bi ɔ nyɔ ɔ, i na kaa e gbo. Se benɛ i hyɛ lɛ saminya a, i na kaa pi ye bi ɔ.”

Yesaya 13:22

Ogbeteehi maa hi pɛe ngɛ a mɔ ɔmɛ a mi, kɛ nga mi gbehi hu ngɛ a tsu saminyawiiwi ɔmɛ a mi. Babilon be ɔ su jehanɛ. Be bɔbɔyoo pɛ nɛ piɛ ha lɛ; e ligbi ɔmɛ a nya ta.”

Yesaya 34:13

Mɔhi tsuo nɛ a fia gbogbo ngɔ wo a he ɔ, pú kɛ mio tso maa puɛ ngɛ a mi, nɛ nga mi gbehi, kɛ dugumahi maa hi lejɛ ɔ.

Yesaya 49:15

Lɔ ɔ he ɔ, Yawɛ he nɔ ke, “Anɛ binyɛ hɛ maa je lɛ nitsɛ e bi nɛ ngɛ nyɔ nya nɔ lo? Anɛ e be suɔmi kpo jee kɛ tsɔɔ e bi ɔ lo? Ke binyɛ hɛ maa je e bi nɔ po, imi lɛɛ ye hɛ be o nɔ jee kɔkɔɔkɔ.

Yeremia 19:9

Ma ha nɛ he nyɛli ma ba sa ma a yi, nɛ a maa hao ma mi bi ɔmɛ wawɛɛ nitsɛ, hluu kɛ yaa si ni nɛmɛ nɛ ngɛ ma a mi ɔ ma bɔni mɛ nitsɛmɛ a he, kɛ a bimɛ nyumuhi kɛ yihi yemi.”

Kɔmɔ Yemi 2:20

Yawɛ lee, hyɛ koo! Moo hyɛ nihi nɛ o ngɛ mɛ yi mi wae ɔ! Yihi ngɛ mɛ nitsɛmɛ a muklii mi bimɛ nɛ a suɔ ɔ yee! Mawu we ɔ nitsɛnitsɛ mi po a ngɛ osɔfohi, kɛ gbalihi gbee!

Kɔmɔ Yemi 4:10

Ye ma a hɛ mi kpatami ɔ ngɛ gbeye. Binyɛmɛ nɛ suɔ a bimɛ kaa nɔ́ ko po, hoo mɛ nitsɛmɛ a bimɛ kaa niye ní nɛ a ye.

Ezekiel 5:10

Bɔ nɛ e maa ba ji kaa fɔli ngɛ Yerusalem maa ye mɛ nitsɛmɛ a bimɛ, nɛ bimɛ ɔmɛ hu maa ye a fɔli. Ma gbla o tue wawɛɛ; nɛ nihi nɛ a yi ma na wami ɔ, ma gbɛ mɛ ngɔ fĩa je ɔ mi tsuo.

Mose III, 26:29

Hwɔ maa ye nyɛ wawɛɛ nitsɛ; nɛ e maa ba mi kaa nyɛ maa ye nyɛ nitsɛmɛ nyɛ bimɛ.

Romabi 1:31

a he nile gbo; ke a wo si ɔ, a yi nɔ, nɛ a nɛ́ mɔbɔ.