Kɔmɔ Yemi 4:20 - BAIBLO ALOO NGMAMI KLƆUKLƆU Ɔ

²⁰ Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Kɔmɔ Yemi 4:20 ပူးပေါင်းရင်းမြစ်များ

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Mose I, 44:30

Yuda ya nɔ, nɛ e de ke, “Lɔ ɔ he ɔ, ye nyɔmtsɛ, ke i je niheyo wayo nɛ ɔ he, nɛ i kpale kɛ ho tsaatsɛ ngɔ ya, nɛ tsaatsɛ na kaa i kɛ lɛ bɛ ɔ, e ma gbo. Tsaatsɛ kɛ jokuɛyo nɛ ɔ a klaa mi kpe wawɛɛ nitsɛ, nɛ a suɔ a he saminya. Tsaatsɛ bwɔ kotokoto, nɛ aywilɛho nɛ waa kɛ maa ba e nɔ ɔ, maa gbe lɛ.

Samuel II, 1:14

David bi lɛ ekohu ke, “Mɛni he je o yi gbeye kaa o kɛ o nine ma kpata nɔmlɔ nɛ Yawɛ pɔ lɛ nu ɔ hɛ mi ɔ?”

Samuel II, 1:21

Nyɛ Gilboa yohi, bɔ́, loo hiɔmi nɛ ko nɛ ngɛ nyɛ nɔ; nyɛ ngmɔ ko ngmɔ ko nɛ kó ba ní. Ejakaa lejɛ ɔ nyɛ katsɛmɛ ɔmɛ a tsɛ̃i ɔmɛ a hɛ mi pue si ngɛ; Saul tsɛ̃i ɔ fɔɔ si nɛ a pɔɛ he nu hu!

Samuel II, 18:3

Se ni ɔmɛ de ke, “Dɛbi, mo ko ya! Ke wɔɔ wa tu fo ngɛ ta a nya a, nɔ ko be wa he akɔtaa bue. Jã kɛ̃ ke a dla wa mi enyɔ nɛ fa kake nɔ ngɛ ta a mi po, pi nɔ ko kɔmɔ. Se moo lɛɛ o he jua wa kaa wa ti nihi akpe nyɔngma. Lɔ ɔ he ɔ, e hi kaa o hi si ngɛ ma a mi mohu konɛ ke nɔ́ ko he hia wɔ ɔ, nɛ o pee ha wɔ.”

Samuel II, 19:21

Kɛkɛ nɛ Zeruya bi Abishai de ke, “E sa kaa a gbe Shimei, ejakaa e gbiɛ nɔmlɔ nɛ Mawu pɔ lɛ nu ɔ.”

Kronika II, 35:25

Gbalɔ Yeremia hu po kɔmɔ yemi la ko ngɛ Matsɛ Yosia he. Nɛ kɛ je jamɛ a be ɔ kɛ ba si mwɔnɛ ligbi nɛ ɔ, lali ɔmɛ tsuo, nyumuhi kɛ yihi laa la nɛ ɔ nɛ a kɛ kaiɔ e gbenɔ ɔ. Nɔ́ nɛ ɔ ba plɛ pee kusumi ngɛ Israel. La nɛ ɔ piɛ kɔmɔ yemi asilɛhi nɛ a bua nya a a he.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yeremia 39:5

Se Babilonia tabo ɔ nyɛɛ a se, nɛ a ya nu Zedekia ngɛ Yeriko nga a nɔ. A ngɔ lɛ kɛ ba ha Matsɛ Nebukadnezar ngɛ Ribla, ngɛ Hamat zugba a nɔ. Nɛ lejɛ ɔ Nebukadnezar kojo lɛ nɛ e bu lɛ fɔ ngɛ.

Yeremia 52:8

Babilonia tabo ɔ nyɛɛ Zedekia se, nɛ a ya nu lɛ ngɛ Yeriko nga a nɔ; e ta buli ɔmɛ tsuo gbɛ fĩa kɛ je e he.

Yeremia 52:9

A ngɔ Zedekia ya ha Matsɛ Nebukadnezar ngɛ Ribla, ngɛ Hamat zugba a nɔ; nɛ lejɛ ɔ Nebukadnezar kojo lɛ nɛ e bu lɛ fɔ ngɛ.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Ezekiel 12:13

Ma tsɔ lɛ klama nɛ ma du lɛ. Ma ngɔ lɛ kɛ ya Babilon ngɛ Kaldea bi ɔmɛ a zugba a nɔ. Se e ma gbo nɛ e li tete po kaa e su lejɛ ɔ.

Ezekiel 17:18

Somi nɛ e kɛ Babilonia matsɛ ɔ so, kɛ si nɛ e wo lɛ ɔ, e yi nɔ. Enɛ ɔmɛ a he ɔ, e yi be wami nae kɔkɔɔkɔ.”

Ezekiel 31:17

A ma kpaka lɛ kɛ ho gbeje ya, konɛ e ya piɛ ni nɛmɛ nɛ nɔ momo ɔ a he. Nɛ mahi tsuo nɛ hi e hɔ̃ ɔ mi ɔ maa gbɛ fĩa je ɔ mi tsuo.

Daniel 4:12

E ba amɛ ngɛ fɛu, nɛ e wo yiblii kplanyaa nitsɛ, bɔ nɛ nɔ tsuaa nɔ nɛ ngɛ je nɛ ɔ mi ɔ maa ye eko. Pu mi lohwehi buu si ngɛ e hɔ ɔ mi; lohwe pɛlitsɛmɛ pee tsu ngɛ tso kɔni ɔmɛ a mi, nɛ je nɛ ɔ mi nimlihi, kɛ lohwehi tsuo ba ye e yiblii ɔ.

Hosea 13:10

Nyɛ bi ke a to matsɛ ha nyɛ, nɛ nyɛ bi hu ke a ha nyɛ asafoatsɛmɛ; se nimli nɛ ɔmɛ ma nyɛ ma he nyɛ yi wami lo?

Manyadali 9:15

Mio tso de tso ɔmɛ ke, ‘Ke nyɛ maa pɔ mi nu nɛ nyɛ maa wo mi tsɛ ngɛ nyɛ nɔ niinɛ ɔ, lɛɛ nyɛɛ ba nɛ nyɛ ba sa we ngɛ ye hɔ̃ mi. Se ke pi ja ji nɔ́ ɔ, lɛɛ la nɛ je mio tso ɔ mi nɛ e ya sã Lebanon seda tso ɔmɛ!’

Samuel I, 12:3

Imi ji nɛ ɔ nɛ. Ke i pee nɔ́ ko nɛ dɛ ɔ, nyɛɛ po ye nya ngɛ Yawɛ, kɛ nɔ nɛ a wo lɛ matsɛ ɔ a hɛ mi. Anɛ i kpɔ nɔ ko na, loo nɔ ko teji? Anɛ i ye nɔ ko amimi, aloo i wa nɔ ko yi mi? Anɛ i he nyɔ mi ní ngɛ nɔ ko dɛ bɔ nɛ pee nɛ ma ye e sane ɔ ha lɛ lo? Nyɛ de, konɛ ma to nyɛ nane mi.”

Samuel I, 12:5

Samuel de mɛ ke, “Yawɛ, kɛ nɔ nɛ e wo lɛ matsɛ ɔ ji ye we odasehi mwɔnɛ ɔ, kaa nyɛ nɛ nɔ́ ko nɔ́ ko ngɛ ye he.” A he nɔ ke, “Ee, Yawɛ ji wa we odase.”

Samuel I, 16:6

Benɛ a ya su lejɛ ɔ, Samuel na Eliab, nɛ e de ngɛ e yi mi ke, “Niinɛ, nɔ nɛ Yawɛ hla a nɛ daa si ngɛ Yawɛ hɛ mi ɔ nɛ.”

Samuel I, 24:10

Mwɔnɛ ligbi nɛ ɔ, mo nitsɛ o na kɛ o hɛngmɛ bɔ nɛ Yawɛ je mo kɛ wo ye dɛ mi ngɛ tɛ puɔ ɔ mi, bɔ nɛ ni komɛ de mi ke ma gbe mo, se i kɛ o wami ke mo, nɛ i de ke, ‘I be ye nyɔmtsɛ ɔ awi yee, ejakaa Yawɛ nɛ hla lɛ kaa e ba ye matsɛ!’

Samuel I, 24:6

nɛ e de e we bi ɔmɛ ke, “Yawɛ kó ha ma pee ye nyɔmtsɛ ɔ nɛ lɛ, Yawɛ ɔ hla, nɛ e wo lɛ matsɛ ɔ nɔ́ ko kaa kikɛ nɛ ɔ. I be lɛ awi yee; ejakaa nɔmlɔ nɛ Yawɛ hla, nɛ e wo matsɛ ji lɛ.”

Samuel I, 26:16

Nyɛ pee we nɛ hi kulaa. I na Mawu, ja a gbe nyɛ tsuo kulaa; ejakaa nyɛ bui nyɛ nyɔmtsɛ ɔ, nɔ nɛ Yawɛ pɔ lɛ nu ɔ he. Jehanɛ, hyɛ he nɛ matsɛ ɔ akplɔ ɔ ngɛ! Nyu kɛ kplu ɔ hu nɛ ngɛ matsɛ ɔ yi tetle mi ɔ, hyɛ he nɛ e ba je!”

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”