Kɔmɔ Yemi 4:2 - BAIBLO ALOO NGMAMI KLƆUKLƆU Ɔ

² Zion nihewi nɛ a he jua wa ha wɔ kaa sika tsu saminya a, hyɛ, jehanɛ lɛɛ a buu mɛ kaa zu kplu gu komɛ kɛkɛ nɛ buɛ puɛlɔ puɛ.

Kɔmɔ Yemi 4:2 ပူးပေါင်းရင်းမြစ်များ

Yesaya 30:14

E maa gbɛ tsɔkɔtsɔkɔ kaa zu buɛ; e maa ywia yayaa, bɔ nɛ a be ngɛyu bɔbɔyoo po nae ngɛ mi nɛ a kɛ je la, loo nɛ a kɛ yɛ nyu ngɛ nɔ́ mi.”

Yeremia 19:11

nɛ ma de mɛ ke, Yawɛ Tabohiatsɛ ɔ ke, “Bɔ nɛ zu buɛ nɛ ɔ ywia tsɔkɔtsɔkɔ kɛ pueɔ si nɛ e be hie dlami ɔ, ja pɛ ma pee ma nɛ ɔ, kɛ e mi bi ɔmɛ. Ma kpata ma a, kɛ ma mi bi ɔmɛ tsuo a hɛ mi pɛsɛpɛsɛ. Ni gbogboe ɔmɛ po ja a ya pu mɛ ngɛ Tofet; ejakaa a be blɔ nae ngɛ he kpa ko kɛ pu mɛ.

2 Timoteo 2:20

Pi sika tsu níhi, kɛ sika hiɔ níhi kɛkɛ nɛ a naa ngɛ we ngua mi, se mohu nyu yɛmi níhi nɛ a gbɔ, kɛ ekomɛ hu nɛ a puɛ hii mi. A kɛ ekomɛ tsuɔ ní pɔtɛɛ komɛ nɛ a buu, nɛ ekpa komɛ lɛɛ a kɛ tsuɔ ní be saisaa.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Zakaria 9:13

Yuda maa pee kaa ta bulɔ kɛ̃ɛ̃, nɛ Israel maa pee kaa kɛ̃ɛ̃ mi bi. Zion bi maa pee kaa ye dɛ mi klaate nɛ i kɛ ma jé ta kɛ wo Hela bi.

Kɔmɔ Yemi 5:12

A nuu wa ganɔ ɔmɛ nɛ a sɛu mɛ. Wa ma nimeli ɔmɛ hu a bui mɛ fɛɛ.

Yesaya 51:18

Nɔ ko nɔ ko be o bimɛ ɔmɛ a kpɛti nɛ maa tsɔɔ mo blɔ; nɔ ko nɔ ko be bimɛ ɔmɛ tsuo nɛ o tsɔse ɔ a kpɛti nɛ maa ta o dɛ mi kɛ nyɛɛ.

Kɔmɔ Yemi 2:21

Jokuɛwi kɛ nikɔtɔmahi tsuo gbo kɛ pueɔ si ngɛ gbɛjegbɛ ɔmɛ a nɔ. He nyɛli ɔmɛ kɛ klaate gbe nihewi, kɛ yihewi. Ligbi ɔ nɛ o mi mi wo la a, o gbe mɛ tsuo basabasa nɛ o nɛ́ mɔbɔ kulaa.

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 19:1

Yawɛ de mi ke ma ya he buɛ nɛ a kɛ zu puɛ. E de mi hu ke ma ngɔ ma a mi nikɔtɔma komɛ, kɛ osɔfo ɔmɛ hu a hɛ mi nyɛɛli ɔmɛ ekomɛ,

Hosea 8:8

Israel yi ta pɛ! Israel pee kaa buɛ kokoe ngɛ ma amɛ a kpɛti; e he be se nami.