Kɔmɔ Yemi 4:19 - BAIBLO ALOO NGMAMI KLƆUKLƆU Ɔ

¹⁹ He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Kɔmɔ Yemi 4:19 ပူးပေါင်းရင်းမြစ်များ

Yeremia 16:16

Yawɛ ke “Ma tsɔ hɛli babauu kɛ ba nɛ a ba hɛ nimli nɛ ɔmɛ kaa a hɛɛ lo. Lɔ ɔ se ɔ, ma tsɔ de dali babauu kɛ ba nɛ a ba da mɛ kaa a daa lohwe de ngɛ yo tsuaa yo, kɛ yoku tsuaa yoku nɔ, kɛ tɛ puɔ tsuaa tɛ puɔ mi ngɛ tɛ sa amɛ a nɔ.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Kɔmɔ Yemi 1:13

“Yawɛ ha la je hiɔwe ba sɛ ye wuhi a mi. E tsɔ mi klama, nɛ e ha i nɔ si; kɛkɛ nɛ e kua mi, nɛ i ngɛ aywilɛho yee daa.

Hosea 8:1

Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.

Hosea 8:3

Se nɔ́ kpakpa a lɛɛ a sake ngɔ fɔ he. Enɛ ɔ he ɔ, a he nyɛli maa hia ta kɛ nyɛɛ a se.

Mose III, 26:36

“Nyɛ nihi nɛ maa piɛ, nɛ a maa nuu kɛ ya ma se ɔ, ma ha sawale maa nu nyɛ ngɛ lejɛ ɔ. Ke kɔɔhiɔ sɛ ba mi huu nɛ nyɛ nu ɔ, lɔ ɔ po maa wo nyɛ fo. Nyɛ maa tu fo pulɛpulɛ kaa nɔ́ nɛ ta nyɛɛ nyɛ se. Nyɛ maa hi si nɔe, be mi nɛ nɔ ko nyɛɛ we nyɛ se.

Amos 2:14

Nyɛ kpɛti nihi nɛ a he sɔɔ po be nyɛe nɛ a tu fo kɛ je. Nihi nɛ a he wa a ma gbɔjɔ; nɛ ta buli ɔmɛ be nyɛe nɛ a he mɛ nitsɛmɛ a yi wami.

Habakuk 1:8

“A we okpɔngɔ ɔmɛ a he sɔɔ pe ngatsɛhi, nɛ a hɛ mi ngɛ klamaklama pe ogbeteehi nɛ hwɔ ngɛ mɛ yee. A we okpɔngɔ nɔ hili ɔmɛ jeɔ ma se lokoo kɛ baa, nɛ okpɔngɔ ɔmɛ a nane hii si sie glɛi glɛi glɛi! A ba yuɔ nɔ nɔ kaa bɔ nɛ kɔlehi peeɔ kɛ saa lohwehi nɛ a ya yeɔ ɔ.

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.