Kɔmɔ Yemi 4:17 - BAIBLO ALOO NGMAMI KLƆUKLƆU Ɔ

¹⁷ Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Kɔmɔ Yemi 4:17 ပူးပေါင်းရင်းမြစ်များ

Matsɛmɛ II, 24:7

Jehanɛ Egipt matsɛ ɔ pa nyɛ we nɛ e hia ta kɛ je Egipt hu, ejakaa Babilonia matsɛ ɔ kpɔ zugba amɛ tsuo ngɛ e dɛ, kɛ je Egipt Taku ɔ nya hluu kɛ ya si Yufrate pa a nya.

Yesaya 20:5

Nihi nɛ ngɔ a hɛ ngɔ fɔ Sudan nɔ, nɛ a fĩa fɔ Egipt nɔ ɔ, a hɛ mi maa pee mɛ yaa, nɛ a hɛ kɛ nɔ fɔmi tsuo maa ta.

Yesaya 28:18

Ke e ba mi ja a, somi ɔ nɛ nyɛɛ kɛ gbenɔ so ɔ, a maa po mi; nɛ a maa gbɛ kake peemi nɛ ngɛ nyɛɛ kɛ gbeje nyɛ kpɛti ɔ. Haomi nɛ maa ba a, nyɛ be nya nyɛe maa da.

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Yeremia 2:37

O kɛ o nine ma kpla o yi, nɛ o maa kpale kɛ je Egipt kɛ ba kɛ zo. Nihi nɛ o ngɔ o hɛ ngɔ fɔ a nɔ ɔ, imi Yawɛ i kua mɛ; o be nɔ́ ko nɔ́ ko nae kɛ je a dɛ.”

Yeremia 8:20

Ma a he nɔ kɛ ngmlaa ke, “Latsa be ɔ se po, nɛ a kpa ní ta, se a he we wa yi wami lolo.”

Kɔmɔ Yemi 1:19

“I fɔ ye huɛmɛ ɔmɛ nine, konɛ a ba piɛ ye he, se a sisi mi. Benɛ ye osɔfo ɔmɛ, kɛ ma nimeli ɔmɛ tsuo ho ma a mi ya ya ngɛ niye ní hlae nɛ a ye nɛ a yi nɛ na wami ɔ, kɛkɛ nɛ mɛ tsuo a hɛ mi kpata.

Kɔmɔ Yemi 1:7

Benɛ Yerusalem ngɛ nɔ́ nae wawɛɛ ngɛ ma se ɔ, e kai e blema si himi, kɛ ní kpakpahi tsuo nɛ e ná a. Benɛ he nyɛli ɔmɛ a nine su e nɔ ɔ, nɔ ko nɔ ko ba ji ngmlaa ha lɛ. He nyɛli ɔmɛ ye e he fɛu, nɛ a bɔ lɛ ahlua ngɛ si nɛ e nɔ ɔ he.

Kɔmɔ Yemi 5:6

Wa ngɔ wa he ya bɔ Egipt, kɛ Asiria bi a he, konɛ wa ná ngma nɛ waa ye nɛ waa tɔ.

Ezekiel 29:16

Ke e ba mi ja a, e be ma nɛ Israel bi ɔmɛ maa ngɔ a hɛ kɛ fɔ e nɔ pee hu. Ejakaa a ma kai kaa e ji tɔmi agbo kaa Israel ngɔ e hɛ kɛ fɔ Egipt nɔ. Kɛkɛ ɔ, Israel maa le kaa imi ji Nyɔmtsɛ Yawɛ.”