Kɔmɔ Yemi 3:7 - BAIBLO ALOO NGMAMI KLƆUKLƆU Ɔ

⁷ E bɔ mi pã; e po piɛ kɛ wo ye he, konɛ ma ko na blɔ nɛ ma tu fo kɛ je.

Kɔmɔ Yemi 3:7 ပူးပေါင်းရင်းမြစ်များ

Hiob 19:8

Mawu tsi mi blɔ nɛ i nyɛ we ma be; e ha nɛ diblii wo ngɛ ye blɔ nɔ.

Hiob 3:23

Mɛni he je e sa kaa a fɔ nɔ ko nɛ e ba na nɔ́ yaka, be mi nɛ níhi nɛ maa ba e nɔ hwɔɔ se ɔ, Mawu ngɔ kɛ laa lɛ?

La 88:8

O ha nɛ ye huɛmɛ kua mi; o ha nɛ ye he tsɛ̃ mɛ. I pee kaa nɔ ko nɛ a sa e yi, nɛ e li he nɛ e maa ya.

La 88:9

Aywilɛho sɔuu ha nɛ ye hɛngmɛ nɔ ha. Yawɛ, i tsɛɔ mo daa nɛ; i woɔ ye nine nɔ, nɛ i faa kue kɛ haa mo daa.

Yeremia 38:6

Kɛkɛ nɛ a nu mi nɛ a kɛ kpa siu mi kɛ wo matsɛbinyumu ɔ nɛ a tsɛɛ lɛ Malkia a e vu mi ngɛ matsɛ we ɔ kue ɔ mi. Nyu be vu ɔ mi; mɔsɔ kɛkɛ lɛ ngɛ mi. Nɛ i pu ngɛ mɔsɔ ɔ mi.

Yeremia 40:4

Lɔ ɔ he ɔ, i ngɛ pã nɛ ɔ jee ngɛ o kɔni si mwɔnɛ ligbi nɛ ɔ. Ke o suɔ kaa o kɛ mi maa ya Babilonia a, i kɛ mo maa ya nɛ ma ya hyɛ o nɔ saminya ngɛ lejɛ ɔ. Se ke e dɛ ha mo kaa o kɛ mi maa ya a, lɛɛ mo ko ya. Hyɛ, zugba a tsuo lɛ ngɛ o hɛ mi nɛ ɔ nɛ. He tsuaa he nɛ hi ha mo nɛ o suɔ kaa o maa ya a, yaa.”

Kɔmɔ Yemi 1:14

“E ngɔ ye he yayami ɔmɛ tsuo kɛ to, nɛ e fi kaa tlomi; kɛkɛ nɛ e ngɔ tloo mi. E jiɔ tsɔ ha mi; e ngɛ mi gbee! Nyɔmtsɛ ɔ ngɔ mi kɛ wo he nyɛli nɛ a he wa pe mi a dɛ mi, nɛ peepee ko kulaa be ye he.

Kɔmɔ Yemi 3:9

E ngɔ tɛ agbohi kɛ fɔ blɔ mi ha mi, nɛ e ha nɛ ye blɔ ɔ kpɛ̃.

Kɔmɔ Yemi 5:5

A woɔ wɔ kuɛ pã tso, nɛ a haa wa tsuɔ ní kpakpataa; nɛ ke pɔ tɔ wɔ ɔ, a ha we nɛ wa jɔɔ wa he.

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Hosea 2:6

Lɔ ɔ he ɔ, ma ngɔ mio tso kɛ tsi lɛ blɔ; ma fia gli kɛ wo e he kɛ tsi lɛ blɔ.