Kɔmɔ Yemi 3:58 - BAIBLO ALOO NGMAMI KLƆUKLƆU Ɔ

⁵⁸ “Nyɔmtsɛ, mo lɛ o je ngmlaa ha mi. Mo lɛ o he ye yi wami.

Kɔmɔ Yemi 3:58 ပူးပေါင်းရင်းမြစ်များ

La 34:22

Yawɛ ma he e sɔmɔli a yi wami. Nihi nɛ ba saa we ngɛ e ngɔ ɔ, a ti nɔ ko nɔ ko hɛ mi be kpatae.

Yeremia 51:36

Lɔ ɔ he ɔ, bɔ nɛ Yawɛ de Israel bi ɔmɛ ji nɛ ɔ nɛ: “Ma ye nyɛ sane ɔ ha nyɛ, nɛ ma gbla nyɛ he nyɛli ɔmɛ a tue ha nyɛ. Ma ha nɛ Babilonia wo ɔ, kɛ pa amɛ ma gbli.

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

La 103:4

E heɔ ye yi wami, konɛ ye hɛ mi ko kpata. E jeɔ e suɔmi ɔ kpo kɛ tsɔɔ mi, nɛ e naa mi mɔbɔ daa.

La 71:23

Ma hwɔ lele, nɛ ma la kɛ je o yi; ma je o yi, ejakaa o he ye yi wami.

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Samuel I, 25:39

Benɛ David nu kaa Nabal gbo ɔ, e de ke, “A je Yawɛ yi! E wo Nabal hiɔ ngɛ jɛmi nɛ e jɛ mi ɔ he. Jehanɛ hu e tsi ye nya konɛ ma ko pee yayami. Yawɛ wo Nabal nitsɛ e yayami ɔ he hiɔ.” Pee se ɔ, David tsɔ ke a ya su Abigail ha lɛ.

Hiob 35:14

Hiob, mo lɛ o ke o be Mawu nae ɔ? O sane ɔ ngɛ e hɛ mi; moo hyɛ lɛ blɔ.

La 9:5

O ka je ma amɛ a hɛ mi. O kpata yayami peeli a hɛ mi, nɛ a biɛ laa pɛsɛpɛsɛ.

Yesaya 51:22

Nyɔmtsɛ Yawɛ, o Mawu ɔ nɛ faa e ma a he ɔ, bɔ nɛ e ngɛ dee ji nɛ ɔ nɛ: “Kplu nɛ i ngɔ ha mo ngɛ abofu nya a, i ngɛ hee ngɛ o dɛ. O be dã a nue hu konɛ o ko tataa si kaa dã tɔlɔ hu.

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

Yeremia 31:11

I he Israel yi wami, nɛ i kpɔ mɛ kɛ je je ma ko nɛ he wa pe mɛ ɔ dɛ mi.

Yeremia 38:13

kɛkɛ nɛ a kɛ tangme kpa gbla mi kɛ je vu ɔ mi, nɛ a ya wo mi tsu ngɛ matsɛ we ɔ kue ɔ mi.