Kɔmɔ Yemi 3:56 - BAIBLO ALOO NGMAMI KLƆUKLƆU Ɔ

⁵⁶ Kue nɛ i fa nɛ o nu ji, ‘I kpa mo pɛɛ nɛ o ba piɛ ye he; koo tsi o tue.’

Kɔmɔ Yemi 3:56 ပူးပေါင်းရင်းမြစ်များ

Kronika II, 33:13

Mawu bu Manase kue fami ɔ tue, nɛ e ha nɛ e kpale kɛ ya Yerusalem ya ye matsɛ ekohu. Nɔ́ nɛ ɔ ha nɛ Manase na kaa Yawɛ ɔ, Mawu ji lɛ niinɛ.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Hiob 34:28

A ha nɛ ohiatsɛmɛ kpa ngmlaa kɛ ba Mawu yemi kɛ buami, nɛ Mawu nu nɔ́ nali ɔmɛ a kue fami ɔ.

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

La 5:2

Ye matsɛ kɛ ye Mawu! I ngɛ mo tsɛe! Bu mi tue koo!

La 5:3

Yawɛ, mɔtu ɔ, o nuɔ ye gbi. Ee, mɔtu ɔ, i faa kue kɛ haa mo, nɛ i mlɛɔ, konɛ o he nɔ.

La 55:1

Mawu, bu ye kue fami ɔ tue; kue nɛ i ngɛ fae ha mo ɔ, koo tsi o tue.

La 55:18

Ta nɛ i kɛ ye he nyɛli babauu ɔ ngɛ hwue ɔ, e ma kpɔ mi kɛ je mi, nɛ ma ye ye he.

La 55:2

Bu mi tue koo, nɛ o he nɔ ha mi; ye haomi ɔmɛ ba pe mi.

La 66:19

Se niinɛ, Mawu bu mi tue, e ta tue ha mi, nɛ e he ye kue fami ɔ nɔ.

Yesaya 38:5

ke e ya nɛ e ya de Hezekia ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Ma ngɔ jeha nyɔngma kɛ enuɔ ngɔ piɛ o wami ligbi ɔmɛ a he ha mo.

Daniel 9:17

Wa Mawu lee, moo bu ye sɔlemi kɛ pɛɛ kpami ɔ tue. O we ɔ nɛ a kpata hɛ mi, nɛ e pee we doku ɔ, to lɛ sisi ekohu, konɛ nɔ tsuaa nɔ nɛ e na kaa Mawu ji mo.

Romabi 8:26

Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.