Kɔmɔ Yemi 3:40 - BAIBLO ALOO NGMAMI KLƆUKLƆU Ɔ

⁴⁰ Nyɛ ha nɛ waa hyɛ wa je mi bami mi saminya, nɛ waa kpale kɛ ba Yawɛ ngɔ.

Kɔmɔ Yemi 3:40 ပူးပေါင်းရင်းမြစ်များ

Kronika II, 30:6

Tsɔli ɔmɛ ngɔ matsɛ ɔ, kɛ ganɔ ɔmɛ a sɛ gbi ɔ kɛ ya kpa Israel kɛ Yuda tsuo, nɛ a de ke, “Israel ma! Asiria bi ba tua nyɛ, nɛ nyɛ je a dɛ mi. Lɔ ɔ he ɔ, nyɛɛ kpale kɛ ba Yawɛ, Abraham, Isak, kɛ Yakob a Mawu ɔ ngɔ, konɛ lɛ hu e kpale nɛ e he nyɛ.

Kronika II, 30:9

Ke nyɛ kpale kɛ ba Yawɛ ngɔ ɔ, nyɛ nyɛmimɛ ɔmɛ, kɛ nyɛ bimɛ ɔmɛ a ní maa pee nihi nɛ ba nuu mɛ nyɔguɛ kɛ ho ɔ mɔbɔ. A maa ngmɛɛ a he, nɛ a maa kpale kɛ ba we ekohu. Yawɛ, nyɛ Mawu ɔ mi mi jɔ, nɛ e naa mɔbɔ. Ke nyɛ kpale kɛ ba e ngɔ ɔ, e ma he nyɛ atuu.”

La 119:59

I susu ye je mi bami he, nɛ i ngɛ si woe ke ma ye o mlaa amɛ a nɔ.

La 4:4

Ke nyɛ mi mi fu ɔ, nyɛ ko pee yayami. Ke nyɛ hwɔɔ si ɔ, nyɛɛ pee dii, nɛ nyɛɛ ya nyɛ yi mi.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Ezekiel 18:28

Ejakaa jamɛatsɛ ɔ pia e he, nɛ e kpale kɛ je e tɔmi ɔmɛ a mi; niinɛ, e yi ma na wami, e be gboe.

Hosea 12:6

Lɔ ɔ he ɔ, Yakob nina, nyɛɛ ngɔ nyɛ hɛ ngɔ fɔ nyɛ Mawu ɔ nɔ, nɛ nyɛɛ kpale kɛ ba e ngɔ. Nyɛɛ suɔ lɛ anɔkuale mi, nɛ́ nyɛɛ ye dami sane. Nyɛɛ to nyɛ tsui si, nɛ́ nyɛɛ hyɛ nyɛ Mawu ɔ blɔ.

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

1 Korintobi 11:28

Nɔ tsuaa nɔ nɛ hyɛ e tsui mi kekle loko e ye abolo ɔ, nɛ e nu wai nɛ ngɛ kplu ɔ mi ɔ.

1 Korintobi 11:31

Se ke wɔ nitsɛmɛ wa maa kojo wa he anɔkuale mi kekle ɔ, Mawu be wa tue gblae.

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.