Kɔmɔ Yemi 3:37 - BAIBLO ALOO NGMAMI KLƆUKLƆU Ɔ

³⁷ Ke pi Nyɔmtsɛ ɔ he wami nya a, mɛnɔ ma nyɛ ma de nɔ́ ko nɛ e ba mi?

Kɔmɔ Yemi 3:37 ပူးပေါင်းရင်းမြစ်များ

Samuel II, 16:10

Se matsɛ ɔ de Abishai, kɛ e nyɛminyumu Yoab ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he? Ke Yawɛ nɛ de lɛ ke e gbiɛ mi, nɛ e ngɛ mi gbiɛe ɔ, mɛnɔ ngɛ he blɔ nɛ e biɔ ke mɛni he je e ngɛ ja pee lo?”

Matsɛmɛ I, 22:34

Se e ba mi kaa Siria ta buli ɔmɛ a ti nɔ kake tsɛ̃ e kɛ̃ɛ̃ ɔ tlukaa nɛ e hɛ be nɔ. Kɛ̃ɛ̃ mi bi ɔ ya gbɔ Ahab ngɛ e ta hwumi ní ɔmɛ a tsami he ɔ. Ahab de e ta zugba lɛ kudɔlɔ ɔ ke, “I plaa! Plɛ o he nɛ o kɛ mi nɛ je ta a nya!”

Matsɛmɛ II, 6:33

Benɛ e kɛ mɛ ngɛ munyu tue, nɛ e nya na we nɛ e nɔ si ɔ, matsɛ ɔ ba hia kpo; nɛ e de ke, “Haomi nɛ ɔ, Yawɛ ngɔ e je! Lɛɛ mɛni he i pa ngɛ Yawɛ mlɛe ma pee mɔ?”

Hiob 10:13

Se amlɔ nɛ ɔ, i le kaa o ngɔ ní nɛ ɔmɛ tsuo ngɔ to o yi mi; nɛ daa nɛ ɔ o ngɛ ga toe nɛ o kɛ ye mi awi.

Hiob 2:10

Hiob he nɔ ke, “O ngɛ munyu tue kaa bɔ nɛ yihi kuasia amɛ a ti nɔ ko maa tu munyu pɛ. Ke Mawu ha wɔ nɔ́ kpakpa a, tse wa heɔ. Lɛ ke e ha wɔ nɔ́ yaya a, wa ko ngɔ lo?” Enɛ ɔ tsuo mi ɔ, Hiob pee we yayami; e de we nɔ́ ko kɛ si we Mawu.

Mose II, 10:10

Nɛ Farao ɔ de mɛ ke, “Yawɛ nɛ gbaa nyɛ, ke i ngmɛ nyɛ blɔ nɛ nyɛɛ kɛ nyɛ bimɛ ɔmɛ ho fii! Ɛhɛɛ, juɛmi yaya ko ngɛ nyɛ yi mi.

Abɛ Womi 16:9

Nɔmlɔ adesa toɔ ga ngɛ e yi mi, se Mawu ji nɔ nɛ tsɔɔ lɛ nɔ́ nɛ sa kaa e pee.

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Romabi 9:15

Ejakaa Mawu de Mose ke, “Nɔ nɛ sa mɔbɔ nami ɔ, ma na lɛ mɔbɔ, nɛ nɔ nɛ sa mi mi sami ɔ, ye mi mi maa sã mi ngɛ e he.”

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.