Kɔmɔ Yemi 3:29 - BAIBLO ALOO NGMAMI KLƆUKLƆU Ɔ

²⁹ Waa ba wa he si, ejakaa ke wa pee ja a, e be yaka pee.

Kɔmɔ Yemi 3:29 ပူးပေါင်းရင်းမြစ်များ

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Hiob 16:15

I kpɛ kpekpe ngɔ ha ye he, nɛ i hii si ngɛ zugba kɛ ngɛ kɔmɔ yee.

Yeremia 31:17

Hwɔɔ se hɛ kɛ nɔ fɔmi ngɛ ha nyɛ; nyɛ bimɛ ɔmɛ maa kpale kɛ ba we ekohu. Imi, Yawɛ lɛ i de.

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Luka 18:13

“Se tó tsulɔ ɔ ya da si ngɛ se lokoo, nɛ e yi nɔ tete po e wo we kɛ yɛ hiɔwe; mohu ɔ, e gbe e gugue nɛ e de ke, ‘Mawu, yayami peelɔ ji mi; naa mi mɔbɔ!’

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.