Kɔmɔ Yemi 3:28 - BAIBLO ALOO NGMAMI KLƆUKLƆU Ɔ

²⁸ Ke wa ngɛ amanehlu nae ɔ, e sa kaa waa pee dii, nɛ waa to wa tsui si.

Kɔmɔ Yemi 3:28 ပူးပေါင်းရင်းမြစ်များ

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

La 102:7

I hwɔ we mahe; i pee kaa ohwe pɛlitsɛ kake too nɛ maa si ngɛ tsu yi mi.

La 39:9

Ma ma ye nya nɛ ma pee dii, ejakaa mo lɛ o ha nɛ i na nɔ́ kikɛ nɛ ɔ nɛ.

Kɔmɔ Yemi 3:27

Wa nihe mi ji be nɛ sa kaa waa kase tsui si tomi nɛ ɔ.

La 39:10

Koo gbla ye tue hu; ye he wami ta! Bɔ nɛ o fiaa mi ní ɔ, e hiɛ!