Kɔmɔ Yemi 3:22 - BAIBLO ALOO NGMAMI KLƆUKLƆU Ɔ

²² kaa Yawɛ suɔmi se pui gblegbleegble; e naa mɔbɔ daa.

Kɔmɔ Yemi 3:22 ပူးပေါင်းရင်းမြစ်များ

Samuel II, 24:14

David de Gad ke, “Sane nɛ ɔ he wa ha mi wawɛɛ nitsɛ! Se kɛ̃ i be suɔe nɛ nimli adesahi nɛ a gbla ye tue. Ha nɛ Yawɛ nitsɛ nɛ gbla wa tue, ejakaa mɔbɔ nalɔ ji lɛ.”

Nehemia 9:31

O kua we mɛ; o na mɛ mɔbɔ, nɛ o kpataa we a hɛ mi hulɔ. Ejakaa Mawu mɔbɔ nalɔ kɛ dloolɔ ji mo!

La 103:10

E gbla we wa tue bɔ nɛ sa wɔ; wa yayami ɔmɛ hu e wui wɔ a he hiɔ bɔ nɛ sa wɔ.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

La 69:17

Koo ngɔ o hɛ mi kɛ laa imi, o tsɔlɔ ɔ; ejakaa i ngɛ haomi mi; pee esɔ nɛ o ba je mi.

La 77:8

Anɛ e mɔbɔ nami ɔ se po jehanɛ lo? Anɛ e pa be e si womi ɔmɛ a nɔ yee hu lo?

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

Yeremia 3:12

E ke ma ya de Israel ke, “Israel, yaholɔ, moo kpale kɛ ba ye ngɔ ekohu; ejakaa mɔbɔ nalɔ ji mi, nɛ i be ye hɛ mi tue kɛ wo mo. Ye mi mi be fue kɛ wo mo kɛ ya neneene.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Daniel 9:9

E ngɛ mi kaa wa tsɔ o hɛ mi atuã mohu lɛɛ, se mɔbɔ nalɔ ji mo, nɛ o kɛ nɔ he yayami paa nɔ.

Malaki 3:6

“Imi ji Yawɛ ɔ nɛ; i tsakee we. Enɛ ɔ he je nɛ nyɛ, Yakob nina a, nyɛ hɛ mi kpataa we lolo ɔ nɛ.

Luka 1:50

E naa nihi nɛ buɔ lɛ ɔ mɔbɔ yi nɔhi tsuo.