Kɔmɔ Yemi 3:16 - BAIBLO ALOO NGMAMI KLƆUKLƆU Ɔ

¹⁶ E ha nɛ i kokloo si ngɛ zugba, nɛ ye lungu kli kaa nɔ nɛ kpe tɛ ngmlitsa.

Kɔmɔ Yemi 3:16 ပူးပေါင်းရင်းမြစ်များ

Abɛ Womi 20:17

Nɔ́ nɛ nɔ ko na kɛ gu sisimi blɔ nɔ ɔ, e ngɔɔ kaa bɔ nɛ niye ní kpakpa ngɔɔ ɔ. Se pee se ɔ, e ba peeɔ kaa tɛ ngmlitsa ngɛ nɔ ɔ nya mi.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

La 58:6

Yawɛ Mawu, nimli nɛ ɔmɛ ngɛ kaa jata awi yeli pɛ; ku a nya mi lungu ɔmɛ tsuo ngɔ pue he.

La 3:7

Yawɛ, ye Mawu, ba he ye yi wami koo! Ejakaa mo lɛ o ma nyɛ maa fia ye he nyɛli ɔmɛ tsuo ní. Mo lɛ o ma nyɛ maa gbla a tue nɛ a be nyɛe maa pee mi nɔ́ ko.

Luka 11:11

Tsɛ te nɛ ngɛ nyɛ kpɛti, nɛ ke e bi bi lɛ abolo nɛ e ma ha lɛ tɛ? Aloo ke e bi lɛ lo, nɛ e maa ngɔ sinɔ ngɔ pee lo ngɔ ha lɛ?

Mateo 7:9

Nyɛ ti mɛnɔ nɛ ke e bi bi lɛ abolo nɛ e ma ha lɛ tɛ?

Yona 3:6

Benɛ Nineve matsɛ ɔ nu he ɔ, e te si ngɛ e sɛ ɔ nɔ. E kpa e he ablade bo ɔ, nɛ lɛ hu e bu kpekpe ya bo, nɛ e hi si ngɛ la zu mi ngɛ zugba.

La 102:9

Ye niye ní ɔ, la zu sɔuu; nɔ nɛ i nuɔ ɔ, vo nyu futu mi,

Hiob 4:10

Yiwutsotsɛmɛ huãã, nɛ a pɛɛ kaa jata, se Mawu jɔɔ a he nɛ e kũɔ a lunguhi.

Hiob 2:8

Hiob ho ya hi la zu mi, nɛ e ngɔ ngɛyu kɛ ngɛ e he hluae.