Kɔmɔ Yemi 3:15 - BAIBLO ALOO NGMAMI KLƆUKLƆU Ɔ

¹⁵ E ha nɛ i na amanehlu nɛ nya wa. Ye we amanehlu ɔ ngɛ kaa agba ngɛ ye nya mi.

Kɔmɔ Yemi 3:15 ပူးပေါင်းရင်းမြစ်များ

Yeremia 9:15

Lɔ ɔ he ɔ, nyɛɛ bu nɔ́ nɛ imi, Yawɛ Tabohiatsɛ, Israel Mawu ɔ, i to kaa ma pee ɔ tue: ma gbla ye ma mi bi ɔmɛ a tue. Ma ha mɛ agba nɛ a ye, kɛ duɔ nɛ a nu.

Kɔmɔ Yemi 3:19

Ye we amanehlu, kɛ hi he ko nɛ be ye dɛ ɔ, ke i kai ɔ, e ngɛ kaa agba, loo duɔ nɛ nya wa ha mi.

Yeremia 25:27

Jehanɛ, Yawɛ de mi ke, “De ma a ke imi Yawɛ Tabohiatsɛ, Israel Mawu ɔ, i ngɛ mɛ fae ke nɔ tsuaa nɔ nɛ nu nɔ́ nɛ ngɛ kplu ɔ mi ɔ kɛ yaa si e maa tɔ dã, nɛ e maa vie, kɛ yaa si e maa nɔ si nɛ e be nyɛe maa te si hu; ejakaa i tsɔ ta nɛ nya wa wawɛɛ nitsɛ kɛ ma a ngɔ.

Yeremia 23:15

“Lɔ ɔ he ɔ, bɔ nɛ imi, Yawɛ Tabohiatsɛ ɔ i ngɛ dee ngɛ Yerusalem gbali ɔmɛ a he ji nɛ ɔ nɛ: ‘Ma ha mɛ agba nɛ a maa ye kaa niye ní, nɛ i kɛ duɔ maa wo nyu mi ha mɛ nɛ a nu. Ejakaa mɛ Yerusalem gbali ɔmɛ a he je nɛ ní yayamihi gbɛ fĩa zugba a nɔ tsuo.’ ”

La 60:3

O ha o ma a na amanehlu nɛ nya wa; wa ngɛ didaae kaa nihi nɛ de dã.

Hiob 9:18

E ha we nɛ ma wo mumi kulaa; ye wami si himi ɔ, doomi sɔuu.

Rut Womi 1:20

Nɛ e he nɔ nɛ e de mɛ ke, “Nyɛ ko tsɛ mi Naomi hu, se mohu nyɛ tsɛ mi Mara, ejakaa Ope ɔ kɛ mi ye sane nɛ dooɔ tsɔ.

La 88:4

A bu mi ngɔ piɛ nihi tsuo nɛ a miɔ nɛ a ma gbo ɔ a he. Ye he wami ta.

Yeremia 4:18

Yuda, mo nitsɛ o je mi babɛ, kɛ o ni peepee lɛ ngɔ haomi nɛ ɔ kɛ ba o nɔ ɔ nɛ. E ngɛ kaa tsopa ko nɛ mo nitsɛ o nu, nɛ e doomi ɔ ya su o tsui he tɔɔ.

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.