Kɔmɔ Yemi 3:11 - BAIBLO ALOO NGMAMI KLƆUKLƆU Ɔ

¹¹ E ha nɛ i tla blɔ, nɛ e tsɔtslɔɔ ye mi; e pee mi posoposo.

Kɔmɔ Yemi 3:11 ပူးပေါင်းရင်းမြစ်များ

Hiob 16:7

Mawu, jehanɛ lɛɛ o ha nɛ pɔ tɔ mi; o gbe ye he nihi tsuo ta.

La 143:4

Ye mumu nya ta jehanɛ, nɛ peepee ta ye he!

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yeremia 15:3

Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.

Yeremia 19:8

Ma ha nɛ Yerusalem ma nɛ ɔ maa pee ma doku, kɛ nɔ́ nɛ a hiee; nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e maa ye gbeye ngɛ amanehluhi nɛ maa ba ma a nɔ ɔ he.

Yeremia 32:43

Ni ɔmɛ ngɛ dee ke zugba nɛ ɔ ma ba pee nga kplanaa nɔ, nɛ nimli kɛ lohwehi be nɔ hie hu. A ngɛ dee hu ke a maa ngɔ zugba a kɛ wo Babilonia bi ɔmɛ a dɛ mi. Se, na nɛ o le kaa nihi ma ba he zugba ekohu ngɛ hiɛmɛ nɛ ɔ.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Yeremia 6:8

Nyɛ Yerusalem bi, nyɛɛ kase ní kɛ je haomi nɛ ɔmɛ a mi. Ke pi ja a, ma ngmɛɛ nyɛ he; ma ha nyɛ ma a ma plɛ pee ma doku nɛ nɔ ko nɔ ko be mi hie hu.”

Kɔmɔ Yemi 1:13

“Yawɛ ha la je hiɔwe ba sɛ ye wuhi a mi. E tsɔ mi klama, nɛ e ha i nɔ si; kɛkɛ nɛ e kua mi, nɛ i ngɛ aywilɛho yee daa.

Kɔmɔ Yemi 3:10

E pee kaa osisiblisi nɛ wo ka, loo jata nɛ laa e he, konɛ e nu mi.

Daniel 7:23

Bɔ nɛ a tsɔɔ mi enɛ ɔ sisi ha ji nɛ ɔ nɛ: “Lohwe eywiɛne ɔ ji matsɛ yemi eywiɛne ko nɛ maa ba je ɔ mi; e maa slo lɛ ngɛ matsɛ yemi kpa amɛ a he. E ma kpata je ɔ tsuo hɛ mi, nɛ e maa naa e nɔ.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Mateo 23:38

Lɔ ɔ he ɔ, a maa je o sɔlemi we ɔ he, nɛ e maa fɔ si gu.

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”