Kɔmɔ Yemi 2:8 - BAIBLO ALOO NGMAMI KLƆUKLƆU Ɔ

⁸ Yawɛ to e yi mi kaa a ku Zion gbogbo ɔmɛ ngɔ pue si. E susu a kami kɛ blimi kɛ to, bɔ nɛ pee nɛ a kpata nɔ́ tsuaa nɔ́ hɛ mi pɛsɛpɛsɛ. Amlɔ nɛ ɔ, mɔ ɔmɛ, kɛ gbogbo ɔmɛ tsuo ku kɛ pueɔ si.

Kɔmɔ Yemi 2:8 ပူးပေါင်းရင်းမြစ်များ

Samuel II, 8:2

E ya tua Moab bi ɔmɛ hulɔ nɛ e ye a nɔ. E ha nɛ ni ɔmɛ hwɔ si ngɛ zugba, nɛ e gba a mi etɛɛtɛ. Ni etɛ tsuaa ni etɛ mi ɔ, e gbe ni enyɔ, nɛ e kɛ nɔ kake he ke lɛ. Lɔ ɔ he ɔ, Moab bi ɔmɛ ba pee David sɔmɔli, nɛ a tsuɔ tó kɛ haa lɛ.

Matsɛmɛ II, 21:13

Bɔ nɛ i gbla Samaria, kɛ Israel matsɛ, Ahab kɛ e we ɔ a tue ɔ, ja nɔuu ma pee Yerusalem. Ma ha nɛ a maa muɔ nimli ɔmɛ tsuo kɛ je Yerusalem, nɛ Yerusalem ma a maa pee falifali kaa kã nɛ a fɔ mi nɛ a plɛ ngɔ bu si.

Hiob 13:21

Kpa ye tue gblami, kɛ ye he gbeye womi.

Yesaya 22:5

Mwɔnɛ ligbi nɛ ɔ, níhi nɛ Nyɔmtsɛ Yawɛ Tabohiatsɛ ɔ kɛ ba wa nɔ ngɛ nina kɔ̃ ɔ mi ji haomi, basabasa peemi, kɛ gidigidi peemi sɔuu. A ku ma a gbogbo ɔmɛ ngɔ pue si. Ngmlaa ngɛ pɛe ngɛ yo ɔmɛ a nɔ tsuo kɛ ngɛ balɔ tsɛe.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yesaya 34:11

Se kayo, kɛ kɔtɔkɔ maa ngɔ lejɛ ɔ ngɔ pee a nɔ́; nɛ klomi kɛ kuakualabite maa hi lejɛ ɔ. Yawɛ ma ha zugba a nɔ maa je gu kulaa kaa bɔ nɛ e ngɛ be nɛ a bɔ je ɔ.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Yeremia 52:13

E sã Yawɛ we ɔ, matsɛ we ɔ, kɛ ni nguahi tsuo nɛ ngɛ Yerusalem ɔ a wehi,

Kɔmɔ Yemi 2:17

Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Kɔmɔ Yemi 2:18

Yerusalem lee, moo fa kue boboobo nɛ o tsɛ Nyɔmtsɛ ɔ! Ha nɛ o vo nyu ɔmɛ nɛ a hi bee kaa pa nyɔ kɛ pia. Koo jɔɔ ya fomi, nɛ ko kpa kɔmɔ yemi hulɔ.

Kɔmɔ Yemi 2:2

Nyɔmtsɛ ɔ kpata Israel ma amɛ tsuo a hɛ mi nɛ e nɛ mɔbɔ kulaa. E ngɔ e mi mi la a kɛ ywia Yuda ma a nya mɔ ngua amɛ tsuo ngɔ pue si. E ha zo gbe nɔ yemi ɔ, kɛ e mi matsɛmɛ ɔmɛ.

Kɔmɔ Yemi 2:5

Nyɔmtsɛ ɔ kpata Israel hɛ mi kaa nɔ́ nɛ e he nyɛlɔ ji lɛ. E ywia e mɔ ɔmɛ, kɛ matsɛ we ɔmɛ ngɔ pue si. E ha nɛ Yuda ma a ngɛ kɔmɔ yee babauu.

Ezekiel 20:22

Se i ha we nɛ e ba mi ja; ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.