Kɔmɔ Yemi 2:7 - BAIBLO ALOO NGMAMI KLƆUKLƆU Ɔ

⁷ Nyɔmtsɛ ɔ sume e bɔ sami la tɛ ɔ hu, nɛ e kua sɔlemi we ɔ. E ha he nyɛli ku mɔ ɔmɛ kɛ pue si. A hwɔ lele ngɛ Yawɛ we ɔ mi kaa bɔ nɛ wa peeɔ ke wa ngɛ nyami ligbi yee ɔ.

Kɔmɔ Yemi 2:7 ပူးပေါင်းရင်းမြစ်များ

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Amos 2:5

Ma mɛ Yuda ma a, kɛ Yerusalem mɔ ɔmɛ a he la.”

Yeremia 52:13

E sã Yawɛ we ɔ, matsɛ we ɔ, kɛ ni nguahi tsuo nɛ ngɛ Yerusalem ɔ a wehi,

Mateo 24:2

Se Yesu de mɛ ke, “Tse nyɛ ngɛ ní nɛ ɔmɛ tsuo hyɛe? Niinɛ, i ngɛ nyɛ dee ke, a maa ku tsu nɛ ɔmɛ tsuo pue si nɛ a be tɛ kake po sie ngɛ eko nɔ.”

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Ezekiel 7:24

Ma ha je mahi nɛ a yi mi wa wawɛɛ ɔ maa ba, nɛ a ma ba ngɔ nyɛ we ɔmɛ. Kã peeli nɛ ngɛ nyɛ kpɛti ɔ maa je fɔ̃, nɛ he nyɛli ɔmɛ ma ba ble nyɛ he klɔuklɔu ɔmɛ.

Kɔmɔ Yemi 2:5

Nyɔmtsɛ ɔ kpata Israel hɛ mi kaa nɔ́ nɛ e he nyɛlɔ ji lɛ. E ywia e mɔ ɔmɛ, kɛ matsɛ we ɔmɛ ngɔ pue si. E ha nɛ Yuda ma a ngɛ kɔmɔ yee babauu.

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Yeremia 39:8

Babilonia bi ɔmɛ sã matsɛ we ɔ, kɛ ma mi bi ɔmɛ a wehi, nɛ a ku Yerusalem gbogbo ɔmɛ ngɔ pue si.

Yeremia 32:29

nɛ a maa mɛ ma a he la. A maa sã ma a, kɛ wehi nɛ nihi sãã tsopa kɛ e he via ngɛ a yi mi kɛ haa Baal, nɛ a ngɔɔ dã kɛ sãã wai bɔ ha mawu kpahi kɛ woɔ ye mi mi la a.

Yeremia 26:18

“Yuda matsɛ, Hezekia yi nɔ ɔ, gbalɔ Mika nɛ je Moreshet ɔ de Yuda ma a tsuo ke, ‘A ma hu Zion kaa a huɔ ngmɔ. Yerusalem ma hyi tɔ kɛ ní kokoehi nɛ a bua nya glekugleku, nɛ yoku ɔ nɔ he nɛ we ɔ maa si ngɛ ɔ ma plɛ pee hue.’

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Kronika II, 36:19

E sã Yawɛ we ɔ, kɛ Yerusalem ma a kɛ e mi mɔ ɔmɛ; e kpata ní kpakpahi tsuo a hɛ mi, nɛ e ku Yerusalem gbogbo ɔ ngɔ pue si.

Mose III, 26:44

Se kɛ̃ ɔ, be mi nɛ a ngɛ a he nyɛli ɔmɛ a zugba nɔ kɛ mwɔɔ ɔ po, i be mɛ kuae, nɛ i be a hɛ mi kpatae pɛsɛpɛsɛ, bɔ nɛ pee nɛ somi nɛ i kɛ mɛ so ɔ se ko po. Imi ji Yawɛ, a Mawu ɔ nɛ.

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

La 89:39

Somi nɛ o kɛ o tsɔlɔ ɔ so ɔ, o je se; o sake e matsɛ pɛɛ ɔ ngɔ fɔ zugba, nɛ o ble lɛ.

Yeremia 21:4

a ya de Zedekia ke, bɔ nɛ Yawɛ Israel Mawu ɔ, de ji nɛ ɔ nɛ: “Babilonia matsɛ ɔ, kɛ Kaldea bi nɛ ba sa nyɛ ma a yi, nɛ nyɛɛ kɛ mɛ ngɛ ta hwue ɔ, ma ha nɛ nyɛ ta hwumi ní ɔmɛ nɛ nyɛ hɛɛ ɔ maa pee yaka ngɛ a hɛ mi. Ma bua nya kɛ ba pue ma nɛ ɔ kpɛti tutuutu.

Yeremia 50:28

Ni komɛ tu fo kɛ je Babilonia kɛ ba Yerusalem nɛ a ba bɔ ma a amaniɛ bɔ nɛ Yawɛ ye e he lue ngɛ nɔ́ nɛ Babilonia bi ɔmɛ pee lɛ Yawɛ e we ɔ he.

Kɔmɔ Yemi 1:4

Zion blɔ ɔ nɔ pee mɔbɔmɔbɔ. Nimli a nane po ngɛ blɔ ɔ nɔ; a bɛ nɛ a ba ye nyami be ɔmɛ. Nɔ ko nɔ ko ba gui ma a agbo ɔmɛ a mi. Osɔfo ɔmɛ ngɛ kɛmɛe. Yihewi ɔmɛ ngɛ nɔ́ nae. Zion hao wawɛɛ nitsɛ.

Matsɛmɛ II, 25:9

E ya sã Yawɛ we ɔ, kɛ matsɛ we ɔ, kɛ nimli nguahi tsuo nɛ ngɛ Yerusalem ɔ a wehi,

Yesaya 64:9

Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

Yeremia 4:26

Zugba nɛ baa ní saminya a plɛ pee nga kplanaa. Ma amɛ plɛ pee ma dokuhi, ejakaa Yawɛ mi mi fu mɛ wawɛɛ nitsɛ.

Yeremia 4:27

(Yawɛ de ke zugba a tsuo hɛ mi ma kpata mohu lɛɛ, se kɛ̃ ɔ, bɔɔ ko maa piɛ nɛ he maa je mi.)